وتیشی: "یهكێتی لهگهڵ كۆمهڵ و پارتی كۆببێتهوه، تاوهكو گهڕی ئهو كۆبونهوانه تهواو دهكهن، ئێمهش وهڵامهكان ئاماده دهكهین و ئاراستهیان دهكهین".
ئەوەش لەکاتێکدایە کە دوای کۆتاییهاتنی کۆبوونەوەی یەکێتی و گۆڕان لە سلێمانی، لە ئێستادا سەعدی ئەحمەد پیرە ئەندامی مەکتەبی سیاسی یەکێتی لەگەڵ عەلی باپیر ئەمیری کۆمەڵی ئیسلامی لە کۆبوونەوەدایە لە هەولێر و پرسی کاراکردنەوەی پەرلەمان تاوتوێ دەکەن.
ئەو پەیامەی كە وەفدەكەی یەكێتی نیشتیمانی كوردستان بردیە سەر مێزی گفتوگۆكردن لەگەڵ بزووتنەوەی گۆڕان ئەو چەند خاڵەی خوارەوەبووە:
1. ئاساییكردنەوەو كاراكردنەوەی پەرلەمانی كوردستان.
2. لەپێناو بەدیهێنانی هاوسەنگی لەنێوان مووچەی پلەباڵاكان و مووچە كەمەكاندا، پێویستە پاشەكەوتكردنی مووچە لەڕێگەی پەسندكردنی پرۆژەیاسایەكی تایبەت لاببرێت و گەرەنتی دانەوەی مووچە پاشەكەوتكراوەكانی مووچەخۆران بكرێت.
3. متمانە بەخشین بە سەرۆك و ئەندامانی ئەنجوومەنی سندوقی داهاتە نەوتی و غازییەكان.
4. هەمواری یاسای هەڵبژاردن و دەستەبەركردنی مافی دەنگدانی دانیشتووانی ناوچە دابڕێندراوەكان، بۆئەوەی نوێنەری راستەقینەی خۆیان هەبێت لە پەرلەمانی كوردستان.
5. پەسندكردنی یاسای ریفراندۆم بۆ سەربەخۆیی.
6. لیژنەی ئامادەكردنی دەستوور بۆ راپرسی، متمانەی پێببەخشرێتەوە بۆ ئامادەكردنی دەستووری دەوڵەتی كوردستان.
7. هەمواری یاسای سەرۆكایەتیی هەرێمی كوردستان، ژمارە (1)ی ساڵی (2005).