پێگه‌ی‌"ده‌یلی مه‌یل" ی به‌ریتانی ڕاپۆرتێكی تایبه‌تی له‌سه‌ر ئه‌م ڕووه‌كه‌ بڵاوكردۆته‌وه‌ كه‌ هه‌ندێك كه‌س به‌ " ده‌ستی مریه‌م" ناوی ده‌به‌ن ته‌نها دوای چه‌ند كاتژمێرێك له‌ ته‌ڕكردنی جارێكی دیكه‌ ده‌ژێته‌وه‌ و ده‌گه‌شێته‌وه‌.

ئه‌م ڕووه‌كه‌ له‌ بیابانه‌كانی "مه‌كسیك و وڵاته‌ یه‌كگرتوه‌كانی ئه‌مه‌ریكا " زۆره‌، ئه‌و كاته‌ی‌ ئاوی لێ ببڕێت وشك ده‌بێته‌وه‌ و ده‌مرێت به‌ڵام به‌رگه‌ی‌ كه‌شوهه‌وای وشك ده‌گرێت ته‌نانه‌ت له‌ شوێنێكیشدا كه‌ ته‌نها %5 ی ئاوی لێ بێت، ئه‌وه‌ی‌ جێگه‌ی‌ سه‌رنجه‌ له‌ كاتی نه‌مانی ئاودا ئه‌م گوڵه‌ به‌ ته‌واوه‌تی وشك ده‌بێته‌وه‌ به‌ڵام ته‌نها چه‌ند كاتژمێرێك دوای ئه‌وه‌ی‌ ئاوی پیادا بكرێت ده‌ژێته‌وه‌ وه‌ك ئه‌وه‌ی‌ هیچ نه‌بوبێت.