شێرپه‌نجه‌ی‌ گورچیله‌، یه‌كێكه‌ له‌و نه‌خۆشییانه‌ی‌ له‌ قۆناغی سه‌ره‌تادا  نیشانه‌كانی ده‌رناكه‌وێت و ده‌ست نیشانكردنی له‌لایه‌ن پزیشكه‌وه‌ ئاسان نییه‌ بۆ ئه‌وه‌ش زۆر گرنگه‌ هاوڵاتیان له‌ چه‌ند نیشانه‌یه‌ك ئاگاداربن و پشتگوێی نه‌خه‌ن.

سه‌نته‌ره‌كانی چاره‌سه‌ری شێرپه‌نجه‌ له‌ ئه‌مه‌ریكا هۆشداری ده‌دات له‌ ده‌ركه‌وتنی خوێن له‌گه‌ل میز یان ڕه‌ش بوون و تۆخبوونی ڕه‌نگی میز و هه‌بوونی ئازاری پشت و ئاوسانی قاچ و پێكان و له‌ده‌ستدانی كێش بێ بوونی هۆكارێكی دیاریكراو و ئاره‌قكردنه‌وه‌ی‌ شه‌وانه‌ و هه‌ستكردن به‌ ماندوێتی به‌رده‌وام و له‌ پیاواندا ئاوسانی گون و سوربوونه‌وه‌ی‌ بێ هۆكار و به‌رز بوونه‌وه‌ی‌ په‌ستانی خوێن و كه‌مبوونه‌وه‌ی‌ ژماره‌ی‌ خڕۆكه‌ سوره‌كانی خوێن دیارترین نیشانه‌كانی توشبوونه‌ به‌ شێرپه‌نجه‌ی‌ گورچیله‌.

دووركه‌وتنه‌وه‌ له‌ كێشانی جگه‌ره‌ و پاراستنی كێشی له‌ش و كۆنتڕۆڵكردنی په‌ستانی خوێن له‌ باشترین هه‌نگاوه‌كانه‌ بۆ خۆپاراستن له‌م جۆره‌ی‌ شێرپه‌نجه‌.