توێژه‌ره‌وه‌كان له‌ زانكۆی "Graz" له‌ نه‌مسا ئاشكرایان كردوه‌ جۆرێك پێكهاته‌ كه‌ به‌ "DMC" ناو ده‌برێت له‌ناو ئه‌م ڕوه‌كه‌دا هه‌یه‌ و توانای درێژكردنی ته‌مه‌نی مرۆڤی هه‌یه‌.

ئه‌نجامه‌كانی ئه‌م توێژینه‌وه‌یه‌ له‌ گۆڤاری "Nature Communications" بڵاوكراوه‌ته‌وه‌ و توێژه‌ره‌وه‌كان پێكهاته‌ی‌ ناو ئه‌م ڕوه‌كه‌یان له‌سه‌ر مشكی تاقیگه‌ و مێشی میوه‌ و جۆرێ كرم تاقیكردۆته‌وه‌ و ئه‌نجامه‌كان ئه‌وه‌یان سه‌لماندوه‌ پێكهاته‌ی‌ كیمیاوی جۆری dmc ناو ئه‌م ڕوه‌كه‌ توانای درێژكردنی ته‌مه‌نی ئه‌و ئاژه‌ڵ و كرمانه‌ی‌ هه‌بووه‌ به‌ڕێژه‌ی‌ %20 كه‌ له‌سه‌ریان تاقیكراوه‌ته‌وه‌ و جگه‌ له‌وه‌ش دڵی مشكه‌كان له‌ نه‌خۆشی پاراستوه‌ و په‌ستانی خوێنی ئاسایی كردونه‌ته‌وه‌.

زاناكان باس له‌وه‌ ده‌كه‌ن پێكهاته‌ی‌DMC  ناو ئه‌م ڕوه‌كه‌ توانای نوێكردنه‌وه‌ی‌ خانه‌ كۆن و له‌ناوچوه‌كانی جه‌سته‌ی‌ مرۆڤی هه‌یه‌ و ده‌توانێت به‌ خانه‌ی‌ زۆر ته‌ندروست بیگۆڕێت، به‌ڵام له‌گه‌ڵ ئه‌وه‌شدا ئه‌نجامه‌كان پێویستیان به‌ چه‌ندین توێژینه‌وه‌ی‌ دیكه‌ ده‌بێت بۆ ئه‌وه‌ی‌ به‌ ته‌واوه‌تی دوستی ئه‌م مادده‌یه‌ بۆ له‌شی مرۆڤ ئاشكرا بكرێت.