ڤیدیۆ: هونەر بە مۆبایل كلیپێكی تۆماركرد
وێستگە ستایل-
گۆرانیبێژ هونەر برای هەڵوێست رایدەگەیەنێت بەمەبەستی گەشتكردن چووە بۆ وڵاتی ئازەربایجان، لەوێش بە فرسەتی زانیوە گۆرانییە نوێیەكەی كلیپ بكات و لەناچاریدا بە مۆبایل وێنەی گرتووە.
هونەر لە لێدوانێكدا بۆ وێستگە ستایڵ رایگەیاند، گۆرانی (ناتوانین) لە تێكست و میلۆدی هەڵوێستی برایەتی و ئاماژەی بەوەكرد، پێشتر هەڵوێست ئەو گۆرانییەی بۆ خۆی ئامادەكردبوو، بەڵام ئەو بەدڵی بووە و هەڵوێست پێی داوە.
سەبارەت بە شوێنی كلیپكردنی گۆرانییەكەش، هونەر دەڵێت "بەمەبەستی گەشت چوومە وڵاتی ئازەربایجان، لەلایەن میران بورهان بە مۆبایل وێنەیان گرتووە و لەلایەن بڕیار فەتاحیش مۆنتاژ كراوە".
ناوبراو خۆشحاڵە بۆ داهاتوو لەگەڵ هەڵوێستی برای گۆرانی هاوبەش پێكەوە بڵاوبكەنەوە.
شەوی پێنجشەممەی رابردوو هونەر گۆرانی (ناتوانین)ی بڵاوكردەوە كە یەكەم بەرهەمی كلیپكراویەتی.
AM:11:00:05/08/2018
ئهم بابهته 3191
جار خوێنراوهتهوه