ته‌واوی هه‌سته‌ ئه‌رێنیه‌كان یارمه‌تی گه‌شه‌ی‌ كۆرپه‌ ده‌دات له‌ناو سكی دایكیدا و ئه‌و كاته‌ی‌ ئافره‌تی دووگیان پێبكه‌نێت ئه‌وه‌ ئاستی هۆرمۆنی ئه‌ندرۆفین له‌ جه‌سته‌یدا زیاد ده‌كات و ئه‌مه‌ش كارلێكی كیمیاوی ده‌كات و یارمه‌تی باشكردنی ته‌ندروستی كۆرپه‌ ده‌دات و ووزه‌ی‌ ئه‌رێنی پێ ده‌دات و ئه‌نجامی توێژینه‌وه‌ نوێكان ئاشكرایان كردوه‌ هه‌تا ئافره‌ت له‌ماوه‌ی دووگیانیدا زیاتر خۆشحاڵ بێت ئه‌وه‌ منداڵێكی به‌خته‌وه‌ر ده‌خاته‌وه‌.

كۆرپه‌ له‌ ته‌مه‌نی 24 هه‌فته‌ییه‌وه‌ هه‌ست به‌ ته‌واوی ده‌نگ و ئه‌و گۆڕانكاریانه‌ ده‌كات كه‌ له‌ ده‌ره‌وه‌ی‌ سكی دایكی ڕوده‌دات و ده‌نگی دایكی زۆر كاری تێده‌كات و ئه‌و كاته‌ی‌ گوێی له‌ پێكه‌نینی ئه‌وبێت ئه‌وه‌ كارلێكی له‌گه‌ڵ ده‌كات.

پزیشكه‌كان ڕێنمووی خانمانی دووگیان ده‌كه‌ن له‌ ماوه‌ی دووگیانیدا به‌شێوه‌یه‌كی ئه‌رێنی بیربكه‌نه‌وه‌ و دووربكه‌ونه‌وه‌ له‌ خه‌مۆكی و بۆ ئه‌وه‌ی‌ كۆرپه‌كه‌یان هه‌ست به‌ خه‌م و بێزاری نه‌كات و ووزه‌ی ئه‌رێنی به‌ منداڵه‌كه‌ی‌ ببه‌خشێت.