په‌رله‌مانی كوردستان بۆ تاووتوێكردنی 12 پڕۆژه یاسا كۆبووه‌وه
دانیشتنی په‌رله‌مانی كوردستان.. فۆتۆ: ئه‌رشیڤ
وێستگه نیوز ـ
دوانیوەڕۆی ئەمڕۆ چوارشەممە 10ی كانوونی دووه‌می 2018، كۆبونەوەی پەرلەمانی كوردستان دەستیپێكرد، بەپێی خشتەی كاری كۆبونەوەكەش خوێندنەوەی یەكەم بۆ 12 پرۆژە یاسا دەكرێت و یەكێك لە پرۆژەكانیش پرۆژە یاسای چاكسازی لە خانەنشینی و مووچەیە.
هەر لەكۆبونەوەكەی ئەمڕۆی پەرلەمان پرۆژە یاسای بە دامەزراوە كردنی هێزە چەكدارەكانی كوردستان خوێندنەوەی یەكەمی بۆ دەكرێت و هەروەها راپۆرتێكی شیكاری سەبارەت بە بەعەرەبكردنی ناوچە كوردستانیەكانی دەرەوەی ئیدارەی هەرێم بەتایبەت گوندەكانی ناحیەی سەرگەڕان دەخوێندرێتەوە.
سەبارەت بە خۆپیشاندانەكانی ئەم ماوەیەی هەرێمی كوردستان لەلایەن لیژنەی ناوخۆی پەرلەمان راپۆرتێك دەخوێندرێتەوە .
بەپێی خشتەی كاری كۆبونەوەكەش پەرلەمان گفتوگۆ و خوێندنەوەی دووەم بۆ پرۆژە یاسای رێكخستن و چاندن و گواستنەوەی ئەندامەكانی جەستەی مرۆڤ و پرۆژە یاسای هەمواركراوی هاتووچۆ ژمارە 86ی ساڵی 2014 دەكات.
هــ. ر
PM:02:06:10/01/2018
ئه‌م بابه‌ته 1960
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت