لە خوێندنگاكاندا رێگری لە فرۆشتنی ئەو كەلوپەلانە دەكرێت كه پێچەوانەی ئادابی كۆمەڵایەتین
فرۆشگای خوێندنگەیەک
وێستگه نیوزـ
لیژنە هاوبەشەكانی قایمقامیەتی سلێمانی مەرجی بۆ بەكرێدانی فرۆشگای خوێندنگەكان هەیە و داوا ئاراستەی بەرێوەبەرایەتی پەروەردە و لایەنە پەیوەندیدارەكانیش دەكات بۆ جێبەجێكردنی.
گۆران قادر، سەرۆكی لیژنە هاوبەشەكانی قایمقامیەتی سلێمانی رایگەیاند: لیژنە هاوبەشەكان و ئاسایشی ئابوری بەشداریی ئەو زیادكردنانەیان كردووە كە لەلایەن لیژنەكانی بەرێوەبەرایەتی پەروەردەی سلێمانی و بەرێوەبەری خوێندنگاكانەوە بۆ بەكرێدانی فرۆشگای خوێندنگەكان ئەنجامدراوە.
وتیشی: لەپێناو سەلامەتیی تەندروستی خوێندكاران و جێبەجێكردنی مەرجەكانی چاودێریی بازرگانی، لیژنە هاوبەشەكان وەك هەرشوێنێكی گشتی بەردەوام سەردانی فرۆشگاكان دەكهن و سزای سەرپێچیكاران دهدهن، ئاشكراشیكرد كه مەرجی لیژنە هاوبەشەكان بۆ بەكرێدانی فرۆشگاكان ئەوەیە، ئەوكەسانەی دەچنەن زیاد كردنەكەوە ئاگاداری مەرج و رێنماییهكانی كاركردن بن و رێنماییهكانیش دواتر بەنوسراوی فەرمی ئاراستەی لایەنەپەیوەندیدارەكان دەكرێت.
سەرۆكی لیژنە هاوبەشەكان ئاماژەی بەوەشكرد كە مەرجەكانی كاركردن لە فرۆشگای خوێندنگاكاندا بریتین لە رەچاوكردنی لایەنی تەندروستی و رێگریكردن گرانفرۆشی و فرۆشتنی ئەو شمەك و كەلوپەلانەی بهپێچەوانەی ئادابی كۆمەڵایەتیەوەن، بەپێچەوانەوە خاوهنهكانیان رووبەرووی یاسا دەكرێنەوە.
ر.ع
PM:02:36:15/11/2017
ئهم بابهته 2736
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت