راگه‌یەندراوی مه‌كته‌بی سیاسی یه‌كێتی له‌باره‌ی چاره‌نووسی شێخ جه‌عفه‌ر
وێستگه نیوز-
مه‌كته‌بی سیاسی یه‌كێتی نیشتمانی كوردستان رایده‌گه‌یه‌نێت، له ئێستادا شێخ جه‌عفه‌ر شێخ مسته‌فا فه‌رمانده‌ی هێزه‌كانی 70 سه‌رقاڵی جێبه‌جێكردنی ئه‌ركی پێشمه‌رگایه‌تییه له‌سنوری كه‌ركوك.
له‌روونكردنه‌وه‌یه‌كی راگه‌یاندنی مه‌كته‌بی سیاسی یه‌كێتیدا هاتووه "له هه‌ندێك سایت و لاپه‌ره‌كانی تۆڕی كۆمه‌ڵایه‌تی زانیاری هه‌ڵبه‌ستراو له‌باره‌ی هه‌ڤاڵ جه‌عفه‌ر شێخ مسته‌فا ئه‌ندامی مه‌كته‌بی سیاسی و فه‌رمانده‌ی هێزه‌كانی 70 بڵاوكراوه‌ته‌وه، كه گوایه چاره‌نوسی نادیاره".
له راگه‌یه‌ندراوه‌كه‌دا هاتووه "سه‌رله‌به‌ری ئه‌و ده‌نگۆیانه ره‌تده‌كه‌ینه‌وه، ئێستا جه‌عفه‌ر شێخ مسته‌فا سه‌رقاڵی جێبه‌جێكردنی ئه‌ركی پێشمه‌رگایه‌تییه له‌سنوری كه‌ركوك".
ئەمڕۆ 16ی تشرینی یەکەمی 2017، هێزە عیراقییەکان شاری کەرکوکیان کۆنترۆڵکرد، دواتر ئەندامێکی مەکتەبی سیاسی یەکێتی رایگەیاند، چونی هێزە ئەمنییەکان بۆ ئەو ناوچانە بە رێککەوتن بووە.
بەرەبەیانی ئەمڕۆ، حەیدەر عەبادی سەرۆک، وەزیرانی عیراق هێزە ئەمنییەکانی راسپارد بۆ سەپاندنی دەسەڵاتی خۆیان لە پارێزگای کەرکوک، راشیگەیاند، سورن لەسەر پاراستنی سەلامەتی خەڵکی کەرکوک و گەڕاندنەوەی ئاسایش بۆ ئەو شارە، وتیشی "داوا لە پێشمەرگە دەکەین ئەرکەکانی لەژێر فەرمانی حکومەتی ناوەندیدا جێبەجێبکات".
لە بەردەوامیی جموجوڵی هێزە عیراقییەکاندا، ئەمڕۆ ئەو هێزانە بەرەو کەرکوک پێشڕەوییان کرد و ناحیەی تازە و بەشێک لە دوزخومارتو وبنکەی سەربازیی کەیوان و چەند شوێنێکی باشوری شاری کەرکوکیان کۆنتڕۆڵکرد و زیاتر لە 10 پێشمەرگە شەهیدبوون و 40ی دیكه‌ش برینداربوون.
بەهۆی هێرشی چه‌كدارانی حه‌شدی شه‌عبی بۆ سه‌ر ناوچه دابڕاوه‌كان و کەرکوک له چه‌ند ناوچه‌یه‌ك هێزه‌كانی پێشمه‌رگه پاشه‌كشه‌یان كرد، ئێواره‌ی ئه‌مڕۆش هێزه‌كانی حه‌شدی شه‌عبی گه‌یشتنه شاری كه‌ركوك و بینای پارێزگایان كۆنتڕۆڵكرد و ئاڵای كوردستانیان داگرت.
PM:08:26:16/10/2017
ئه‌م بابه‌ته 74197
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت