هێزە عیراقییەکان و ئاسایشی سلێمانی سێ داواکراویان لە کەرکوک دەستگیر کرد
وێستگه نیوز ـ
فه‌رمانده‌ی ئۆپراسیۆنه هاوبه‌شه‌كانی عیراق رایگه‌یاند، هێزە سەربازییەکان به هه‌ماهه‌نگی له‌گه‌ڵ ئاسایشی سلێمانی سێ داواکراویان لە کەرکوک ده‌ستگیركردووه.
لیوا روکن سەعد حەربیە، فەرماندەی ئۆپراسیۆنە هاوبەشەکانی عیراق لەکەرکوک لەراگەیاندراوێکدا ئاماژه‌ی به‌وه‌داوه: لەچوارچێوەی هەڵمەتی راوەدوونانی چەکدارانی داعش و شانە نووستووەکانیاندا لەسنووری پارێزگای کەرکوک، سێ داواکراو دەستگیرکران کە لەلایەن دادگای سەڵاحەدینەوە بەپێی مادەی چواری تیرۆر داواکراوبوون.
ئه‌وه‌شی راگه‌یاندووه: "هەڵمەتی دەستگیرکردنی سێ داواکراوەکە لەلایەن هێزە ئەمنییەکان کەرکوک بەهەماهەنگی لەگەڵ دەزگای ئاسایشی سلێمانی ئه‌نجامدراوه کە توانرا ئامانجەکان دەستنیشان بکرێت و شوێنی نیشتەجێبوونیشیان دیاری بکرێت".
ئه‌مه له‌كاتێكدایه تا ئێستا ئاسایشی سلێمانی له باره‌ی ئه‌و هه‌ڵمه‌ته هاوبه‌شه‌یانه‌وه له‌گه‌ڵ هێزه عیراقییه‌كان هیچ روونكردنه‌وه‌یه‌كی نه‌داوه.
هــ. ر
PM:12:21:04/08/2019
ئه‌م بابه‌ته 3760
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت