لە بارەی هێرشکردنە سەر بارەگای ئاسایشی رۆژئاوای سلێمانی روونكردنه‌وه ده‌درێت
وێستگه نیوز ـ
ئاسایش له باره‌ی هێرشكردنه سه‌ر باره‌گای رۆژئاوای سلێمانییان روونكردنه‌وه ده‌دات و رایده‌گه‌یه‌نێت، ئه‌و هه‌واڵه هیچ بنه‌مایه‌كی نییه.
له تۆڕه كۆمه‌ڵایه‌تییه‌كان بڵاوبووه‌ته‌وه كه گوایه به‌ره‌به‌یانی ئه‌مڕۆ یه‌كشه‌ممه 14ی ته‌مموزی 2019، به گولـله‌یه‌كی (ئاڕ بی جی) هێرش كراوه‌ته‌سه‌ر باره‌گای ئاسایشی چه‌مچه‌ماڵ.
لای خۆیه‌وه به‌ڕێوه‌به‌رایه‌تی ئاسایشی رۆژئاوای سلێمانی له راگه‌یانراوێكدا كه وێنه‌یه‌كی ده‌ست وێستگه نیوز كه‌وتووه، ده‌ڵێت: "ئه‌و هه‌واڵه‌ی كه له تۆڕه‌كۆمه‌ڵایه‌تییه‌كان بڵاوبووه‌ته‌وه گوایه هێرش كراوه‌ته سه‌رمان، دووره له راستییه‌وه".
له‌و راگه‌یاندراوه‌دا ئاسایشی رۆژئاوای سلێمانیدا، ده‌ڵێت: "ئه‌وه‌ی روویداوه، ته‌نیا ده‌نگی ته‌قینه‌وه‌یه‌كی بچووك له سه‌ر رێگای كه‌ركوك سلێمانی بیستراوه، بۆ ئه‌وه‌ش هێزه‌كانمان لێكۆڵینه‌وه‌ی تیادا ده‌كه‌ن".
ئاسایشی رۆژئاوای سلێمانی باره‌گاكه‌ی ده‌كه‌وێته قه‌زای چه‌مچه‌ماڵ كه ده‌كه‌وێته به‌شی رۆژئاوای شاری سلێمانییه‌وه.
هــ. ر
AM:09:22:14/07/2019
ئه‌م بابه‌ته 4744
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت