وه‌زاره‌تی ئەوقاف لەبارەی یەكەم رۆژی مانگی رەمەزان روونكردنەوە دەدات
ئەوقاف لەبارەی یەكەم رۆژی مانگی رەمەزان روونكردنەوە دەدات
وێستگه نیوز ـ
وەزارەتی ئەوقاف و كاروباری ئاینی حكومەتی هەرێمی كوردستان روونكردنەوە لەسەر دیاریكردنی یەكەم رۆژی مانگی رەمەزان دەدات و وتەبێژی وەزارەتەكەش زانیاری ده‌خاته‌ڕوو.
نەبەز ئیسماعیل، وتەبێژی وەزارەتی ئەوقاف و كاروباری ئاینی حكومەتی هەرێمی كوردستان، بە وێستگه نیوزی راگه‌یاند: "وەك وەزارەتی ئەوقاف باوەڕ بەڕای فەلەكناسی، ساڵنامەو قسەی مامۆستایانی ئاینی ناكەین بۆ دیاریكردنی یەكەم رۆژی مانگی رەمەزان، چونكە ناتوانین پێشبینی بكەین".
نه‌به‌ز وتیشی: "لەئێستادا لەمانگی رەجەبداین، دوای تەواوبوونی ئەو مانگە، مانگی شەعبان دێت، لەكۆتایی ئەو مانگەشدا دەردەكەوێت كەی رەمەزانە".
ئه‌وه‌شی راگه‌یاند: "هەروەك ساڵانی رابردوو، لیژنەی بینینی مانگ دادەنیشێت و چاودێری بینینی مانگ دەكات، سەرەڕای پەیوەندیمان لەگەڵ وەقفی سوننەی عیراق و وڵاتی عەرەبستانی سعودیە و ئەو لیژنەی دابەشی دەكەین، بۆیە ئەو بەروارانەی باس دەكرێت هیچ بنەمایەكیان نییە".
له تۆڕه كۆمه‌ڵایه‌تییه‌كان بڵاوكراوەتەوە، كه رۆژی 5ی ئایاری 2019، یەكەم رۆژی مانگی رەمەزان دەبێت.
هــ. ر
PM:09:48:23/03/2019
ئه‌م بابه‌ته 16120
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت