مه‌لا به‌ختیار وه‌ڵامی سه‌له‌فییه‌كانی كوردستان ده‌داته‌وه
مەلا بەختیار
وێستگه نیوز ـ
مه‌لا به‌ختیار، لێپرسراوی ده‌سته‌ی كارگێڕی مه‌كته‌بی سیاسی یه‌كێتی نیشتمانی كوردستان رایگه‌یاند، به‌م نزیكانه وه‌ڵامی سه‌له‌فییه‌كانی كوردستان ده‌داته‌وه.
مەلا بەختیار، له په‌یامێكدا ده‌ڵێت: "چوارەمین كۆنفرانسی دابڕان و دووەمین كۆنفڕانسی فێمینزمی رۆشنگەری، كە سەركەوتووانە دەستیپێكردو كۆتاییشهات، توانی مشتومڕێكی نوێی ئەقڵانی و فەلسەفی و دیموكراسیانەش، لەسەر هەردوو وتاری دەستپێك و كۆتایی سەرپەرشتیاری گشتی پلاتفۆڕمی دابڕان و كۆی بابەتەكانی هەردوو كۆنفرانسەكە و خەباتی نوێی رۆشنگەری لە كوردستان و چ لەناو و دەرەوەی كۆنفڕانس، بهێنێتە ئاراوە".
ده‌شڵێت: "هاوكات هەردوو جەمسەری سەلەفییەكانی كوردستانیش، توندڕەوەكان و نەرمڕەوەكانیان، بەئاڕاستەیەكی نوێ و زمانێكی جیاواز لە رابردوویان، لە رێگەی كەناڵەكانی میدیا‌و سۆشیال میدیاوە، باوەڕی خۆیان لەبارەی ئەم پرۆژە نوێیەی رۆشنگەرییەوە خستەڕوو".
ده‌شڵێت: "بۆیە وەك سەرپەرشتیاری گشتی پلاتفۆڕمی دابڕان، لە نزیكترین دەرفەتدا‌و لەڤیدیۆ پەیامێكدا، بەتایبەت لەوەڵامی یەكێك لەو سەلەفییانەدا، لەسایتی چاودێر‌و پەیجی تایبەتی لە فەیسبووك، شرۆڤەی رەهەندە نوێیەكانی ئەم تێزە فەلسەفەییە و پێویستی خەباتی رۆشنگەری لەكوردستاندا دەكات، تێڕوانین و خوێندنەوە نوێیەكانی خۆی دەخاتەڕوو".
له ماوه‌ی رابردوودا مه‌لا به‌ختیار له كۆنفرانسی دابڕان هێرشی كرده سه‌له‌فه‌ییه‌كانی كوردستان و دواتریش د. عه‌بدوللـه‌تیف ئه‌حمه‌د، ناسراو به عه‌بدوللـه‌تیف سه‌له‌فی له دیدارێكدا ئاماده‌یی خۆی ده‌ربڕی بۆ ئه‌وه‌ی له‌گه‌ڵ مه‌لا به‌ختیار دیبه‌ت ئه‌نجام بدات.
PM:02:28:19/03/2019
ئه‌م بابه‌ته 8356
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت