وه‌زاره‌تی كاره‌با هۆكاری كه‌مبوونه‌وه‌ی كاتژمێره‌كانی پێدانی كاره‌با ئاشكرا ده‌كات


وێستگه‌ نیوزـ هه‌ستیار

وه‌زاره‌تی كاره‌بای حكومه‌تی هه‌رێمی كوردستان هۆكاره‌كانی كه‌مبوونه‌وه‌ی كاتژمێره‌كانی پێدانی كاره‌بای نیشتمانی به‌ هاوڵاتییان ئاشكرا ده‌كات و رایده‌گه‌یه‌نێت، خواست بۆ دوو به‌رانبه‌ر زیادی كردووه‌.


ئه‌ندازیار ئومێد محه‌مه‌د سه‌عید، به‌ڕێوه‌به‌ری گشتی كۆنتڕۆڵ و گه‌یاندنی كاره‌بای هه‌رێم به‌ وێستگه‌ نیوزی راگه‌یاند: به‌هۆی هاتنی وه‌رزی سه‌رماو نزمبوونه‌وه‌ی پله‌كانی گه‌رماو زۆربوونی خواستی هاوڵاتییانه‌وه‌، كاتژمێره‌كانی پێدانی كاره‌بای نیشتمانی به‌ هاوڵاتییان رووی له‌ كه‌مبوونه‌وه‌ كردووه‌.

وتیشی: "ئاستی به‌رهه‌مهێنانی كاره‌با دوو هه‌زار و 700 مێگاواته‌ به‌بێ كارگه‌كان، به‌ڵام خواستی هاوڵاتییان گه‌یشتووه‌ته‌ شه‌ش هه‌زار مێگاوات و ئه‌مه‌ش ناتوانرێت كۆنتڕۆڵ بكرێت".

روونیشیكرده‌وه‌: كه‌ چاره‌سه‌ری ئه‌و حاڵه‌ته‌ ته‌نیا به‌ دانانی پێوه‌ری زیره‌ك ده‌بێت، ئه‌وكات هاوڵاتی به‌پێی ئه‌و كاره‌بایه‌ی به‌كاری ده‌هێنێت پاره‌ی بۆ دێته‌وه‌ و ناتوانێت هیچ مانگێك نه‌دات.


AM:10:32:24/12/2018


ئه‌م بابه‌ته 6192 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو