كاره‌بای سلێمانی هاوڵاتییان ئاگادار ده‌كاته‌وه‌


وێستگه‌ نیوز ـ
به‌ڕێوه‌به‌رایه‌تی کارەبای سلێمانی هاوڵاتیان لە هەندێک کەس ئاگادار دەکاتەوە کە بەناوی ئەوانەوە داوای پارەیان لێدەکەن بۆ چاکسازی تۆڕی کارەبا و محاویلەکان.


لە راگەیەندراوێکدا کە وێنەیەکی ده‌ست وێستگه‌ نیوز كه‌وتووه‌، کارەبای سلێمانی دەڵێت: "هه‌ندێك خه‌ڵك به‌ناوی‌ فه‌رمانگه‌كانی‌ كاره‌با، پاره‌ له‌ هاوڵاتیان كۆده‌كه‌نه‌وه‌ بۆ چاكسازی‌ تۆڕی‌ كاره‌با و محه‌ویله‌كان".

راشیگەیاندووە: "ئه‌وه‌ په‌یوه‌ندی‌ به‌ لایه‌نی‌ كاره‌باوه‌ نیه‌، به‌فه‌رمیش ده‌زگانی‌ پۆلیس و ئاسایشمان له‌و حاڵه‌تانه‌ ئاگاداركردووەته‌وه‌، به‌وپێیه‌ی‌ چاككردنه‌وه‌ی‌ تۆڕه‌كانی‌ و محا‌ویله‌كان ئه‌ركی‌ ئێمه‌یه‌ وه‌ك لایه‌نی‌ كاره‌با بێ به‌رامبه‌ر چاك بكرێن".

داواش لە هاوڵاتیان دەکات هه‌ركه‌سێك داوای‌ كۆكردنه‌وه‌ی‌ پاره‌ی‌ كرد بۆ كێشه‌كانی‌ كاره‌با، ڕاسته‌وخۆ ده‌زگاكانی‌ پۆلیس و ئاسایش ئاگادار بكه‌نه‌وه‌.

هــ. ر


AM:11:14:07/01/2018


ئه‌م بابه‌ته 5376 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو