سەعدی پیرە واده‌ی كۆبوونه‌وه‌ی یه‌كێتی و پارتی له سلێمانی ئاشكرا كرد
دیمەنێک لە کۆنگرە رۆژنامەوانیەکە
وێستگه نیوز ـ
وته‌بێژی مه‌كته‌بی سیاسی یه‌كێتی نیشتمانی كوردستان رایگه‌یه‌ند، له ماوه‌ی دوو رۆژی داهاتوودا له شاری سلێمانی، كۆبوونه‌وه‌ی دووه‌می پارتی و یه‌كێتی له‌سه‌ر پرسی پێكهێنانی كابینه‌ی نوێی حكومه‌تی هه‌رێم كۆده‌بنه‌وه.
ئەمڕۆ شه‌ممه 8ی كانوونی یه‌كه‌می 2018، مەكتەبی سیاسی یەكێتی نیشتمانی كوردستان له سلێمانی كۆبوه‌وه و چه‌ند پرسێكی تاووتوێ كرد.
سەعدی ئەحمەد پیرە، وتەبێژی یەكێتی نیشتمانی كوردستان لە كۆنگرەیەكی رۆژنامەوانیدا رایگەیاند: "لە دوو رۆژی داھاتوودا شاندی پارتی دیموكراتی كوردستان سەردانی سلێمانی دەكات و لەگەڵ مەكتەبی سیاسی یەكێتی كۆدەبێتەوە".
وتیشی: "ئێمە ناگەڕێینەوە بۆ سەردەمی پەنجا بە پەنجا، بەڵام دەبێ یەكێتی شەریكی راستەقینە بێت لە حكومەتی ھەرێمی كوردستان".
سه‌عدی پیره ئاشكراشیكرد: "بابەتی دوو جێگر بۆ سەرۆكی حكومەت لە ھیچ كۆبوونەوەیەكی ئێمە و پارتی باس نەكراوە، ھەندێك كەناڵی راگەیاندن ئەو بابەتە گەورە دەكەن".
پیرە، ئەوەی خستەڕوو: "بەوپێیەی فراکسیۆنی پارتی گەورەترین فراکسیۆنی ناو پەرلەمانە، بۆیە ئەوان کاندید بۆ پۆستە باڵاکان رادەسپێرن، ھەروەھا بۆ پێکهێنانی حکومەتی داهاتووی هەرێمی کوردستان لەگەڵ پارتی هاوپەیمانێتی پێکدەهێنن و رێز لە بڕیارەکان دەگرین".
ئه‌مه له‌كاتێكدایه كه پارتی دیموكراتی كوردستان له كۆبوونه‌وه‌ی ئه‌نجومه‌نی سه‌ركردایه‌تی حزبه‌كه‌ی كه هه‌فته‌ی رابردوو به‌ڕێوه‌چوو، نێچیرڤان بارزانی، بۆ پۆستی سه‌رۆكی هه‌رێم و مه‌سرور بارزانی، بۆ پۆستی سه‌رۆكی حكومه‌تی هه‌رێم كاندید كرد.
هه‌روه‌ك تا ئێستا پارتی كۆبوونه‌وه‌یه‌كی له‌گه‌ڵ یه‌كێتی و كۆبوونه‌وه‌یه‌كی له‌گه‌ڵ بزووتنه‌وه‌ی گۆڕان ئه‌نجامداوه و پرسی پێكهێنانی حكومه‌ت تاووتوێ كراوه.
هــ. ر
PM:01:38:08/12/2018
ئه‌م بابه‌ته 2264
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت