پارتی و یه‌كێتی راگه‌یه‌ندراوێكی هاوبه‌شیان بڵاوكرده‌وه‌


وێستگه‌ نیوز ـ
وەفدی ھاوبەشی یەکێتی و پارتی لەگەڵ میحوەری وەتەنی سوننەکان کۆبونەوه‌ و جەختیان کردەوە لەسەر پێکھێنانی حکومەتی عیراق لەسەر بنەمای رێککەوتنی سیاسی و پێشێل نەکردنی دەستوور.


وەفدی ھاوبەشی یەکێتی و پارتی لە ھەولێر لەگەڵ میحوەری وەتەنی بە سەرۆکایەتی خەمیس خەنجەر کۆبونه‌وەو دوای کۆبوونەوەکەش راگەیەنراوێکی ھاوبەشیان بڵاوکردەوە.

بەگوێرەی راگەیەنراوەکە، لە کۆبوونەوەکەدا گفتوگۆ کراوە لەبارەی بونیاتنانی دەسەڵاتە فیدراڵییەکان و میکانیزەکانی دروستکردنی گەورەترین کوتلە.

هه‌روه‌ك جەختیان کردوه‌تەوە لەسەر پێویستی پێکھێنانی حکومەت لەسەر بنەمای رێککەوتنی سیاسی کە پابەندبێت بە بەڵێن و  رێککەوتنەکان و  تێپەڕاندنی ھەڵەکانی رابردوو پێشێلنەکردنی دەستوور.

ھەروەھا ھەردوولا گفتوگۆیان کردوه‌ لەبارەی دەرئەنجامی نەرێنی نەبوونی ھاوبەشی راستەقینە لەنێوان پێکھاتەکان و نەبوونی ھاوسەنگی لە دامەزراوەکانداو تەوافوقی نیشتمانی لە پرسە چارەنووسسازەکانداو پێویستی تێپەڕاندنیان و  دەستوور بکرێتە مەرجەع بۆ چارەسەرکردنی کێشەکان.

هــ. ر


PM:10:04:19/08/2018


ئه‌م بابه‌ته 7696 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو