چله‌ی ماته‌مینی دكتۆره‌ میهره‌بانه‌كه‌ی شار به‌ڕێوه‌ده‌چێت

ئاماژه‌شی‌ به‌وه‌دا كه‌ "ئاماده‌بوونتان ده‌ربڕینی وه‌فاو دڵسۆزییه‌ بۆ ئه‌و كارو خزمه‌ته‌ی له‌ ماوه‌ی رابردوودا پێشكه‌شی هاوڵاتیانی كردووه‌".

رۆژی‌ سێشەممە 4ی ئه‌یلولی 2018، گەورە پزیشكی‌ كورد د.جەمال ئەحمەد رەشید، پزیشكی‌ پسپۆڕی‌ بواری‌ منداڵان لە وڵاتی‌ ئەڵمانیا كۆچی‌ دوایی‌ كرد و  شه‌وی پێنجشه‌ممه‌ 6-9-2018 ته‌رمی خوالێخۆشبوو گه‌یشته‌وه‌ فڕۆكه‌خانه‌ی نێوده‌وڵه‌تی سلێمانی.

كاتژمێر 8ی سه‌رله‌به‌یانی هه‌ینی 7-9-2018 به‌ كه‌ژاوه‌یه‌ك ته‌رمه‌كه‌ی به‌ شاڕێی سالمدا به‌ڕێی كرا بۆ نه‌خۆشخانه‌ی منداڵانی سلێمانی و له‌وێ رێوڕه‌سمێكی رێزلێنانی له‌لایه‌ن به‌ڕێوه‌به‌رایه‌تی ته‌ندروستی سلێمانییه‌وه‌ بۆ رێكخرا و پاشان به‌ره‌و گۆڕستان به‌ڕێكرا.

د.جه‌مال ئه‌حمه‌د ره‌شید پسپۆڕی‌ راوێژكاری‌ نه‌خۆشیه‌كانی‌ منداڵان بوو، له‌ ساڵی‌ (1945) له‌ شاری‌ سلێمانی‌ له‌ دایكبووه‌، ماوه‌ی‌ (46) ساڵه‌ خزمه‌تی‌ كردووه‌ و له‌و ماوه‌یه‌دا مۆڵه‌تی‌ نه‌خۆشی‌ نه‌بووه‌.

له‌ ساڵی‌ (1985) ماوه‌ی‌ دوو ساڵ به‌ خۆبه‌خش له‌ كۆلێژی‌ پزیشكی‌ زانكۆی‌ سه‌ڵاحه‌دین له‌ هه‌ولێر مامۆستا بووه‌، له‌ یه‌كی‌ مانگی‌ (ته‌مموز)ی‌ ساڵی‌ 2015 خانه‌نشین بوو.

د. جه‌مال له‌چاوپێكه‌وتنه‌كانی‌ بۆ راگه‌یاندنه‌كانی‌ هه‌رێمی‌ كوردستان پێیوابوو، سێ‌ جۆر پزیشك هه‌ن، هه‌ندێكیان نه‌خۆش چاره‌سه‌ر ده‌كه‌ن، هه‌ندێكیان به‌نه‌خۆش ده‌ڵێن چیته‌، چاره‌سه‌ری‌ بۆ ئه‌نوسێت و ئه‌ڵێت بیكڕه‌، هه‌ندێكی‌ تریشیان به‌س ره‌چه‌ته‌ ئه‌نووسن، هه‌روه‌ها پێیوابوو به‌شێكی‌ كه‌م له‌پزیشك هه‌ن كه‌ نه‌خۆشی‌ و نه‌خۆش پێكه‌وه‌ چاره‌سه‌رده‌كه‌ن.

PM:10:16:18/10/2018

ئه‌م بابه‌ته 3604 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت