مەسرور بارزانی: پێویستە ھەرچی زووترە دۆخی كەركووك و خورماتوو ئاسایی بكرێتەوە
دیمهنێك له دانیشتنهكه
وێستگه نیوز ـ
مەسرور بارزانی، راوێژكاری ئەنجوومەنی ئاسایشی ھەرێمی كوردستان رایگەیاند، پێویستە ھەرچی زووترە دۆخی كەركووك و خورماتوو ئاسایی بكرێتەوە، ئەم رەوشە سەپێندراوەی ئێستا و دەستپێکردنەوەی تەعریب لەو دەڤەرانە بە هیچ شێوەیەک قبوڵ ناکرێت.
ئەمڕۆ دووشهممه 15ی كانوونی دووهمی 2018، مەسرور بارزانی، راوێژکاری ئەنجومەنی ئاسایشی هەرێمی کوردستان پێشوازی لە جۆن ویلکس، باڵیۆزی بەریتانیا لە عیراق و کۆنسوڵی گشتیی بەریتانی لە هەولێر و شاندی یاوەری کرد.
لەم دیدارەدا، دوا پێشهاتەکانی ناوچەکە خرانە بەر باس و گفتوگۆ و هەردوو لا جەختیان لە سەر پتەوترکردنی پەیوەندیە هەمەچەشنەکانی نێوان هەرێم و بەریتانیا کردەوە.
باڵیۆزی بەریتانی پشتگیریی خۆی بۆ دانوستانەکانی نێوان هەولێر و بەغدا و دووپات کردەوە و جەختی لە سەر پێویستیی هەرچی زووتر بە ئەنجام گەیشتنی ئەو گفتوگۆیانە کردەوە. هەروەها ئاواتی خواست هەڵبژاردنەکانی هەرێم و عیراق لە میانەی ئەمساڵەدا بە سەرکەوتوویی بەڕێوە بچن.
ههر لە میانەی دیدارەكهدا راوێژکاری ئەنجومەنی ئاسایشی هەرێمی کوردستان لە ئاماژەیەکدا بۆ دۆخی ئێستای کەرکوك و خورماتوو رایگەیاند، کە ئەم رەوشە سەپێندراوەی ئێستا و دەستپێکردنەوەی تەعریب لەو دەڤەرانە بە هیچ شێوەیەک قبوڵ ناکرێت و پێویستە بە هاوکاری هەموو لایەك هەرچی زووترە ئەو کردارانە رابگیرێت و دۆخی ئەم ناوچانە بە رەچاوکردنی دەستوور ئاسایی بکرێتەوە.
راوێژکاری ئەنجومەنی ئاسایشی هەرێم دووپاتیکردەوە کە هەڵەکانی بەغدا هۆکاری دروستبوونی بێ متمانەیی نێوان پێکهاتەکانی عیراقە و تا ئەو عەقڵیەتەی حوکمڕانیی بەغدا بەم شێوەیە بمێنێت زەمینەی سەرهەڵدانی کێشە سیاسییەکان بەردەوام دەبێت و بۆشاییەکی لەبار بۆ گەشەکردنی بیری توندڕۆیی دەرەخسێتەوە، بۆیە بۆ دووبارە نەبوونەوەی کێشەکان پێویستە متمانە و دڵنیایی بۆ گشت پێکهاتەکان بگەڕێندرێتەوە.
هــ. ر
PM:01:42:15/01/2018
ئهم بابهته 2656
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت