مه‌سرور بارزانی: هەرێمی کوردستان پێشێلکردنی مافە دەستوریەکانی قبوڵ ناکات
مەسرور بارزانی و باڵیۆزی یەکێتی ئەوروپا لە بەغدا
وێستگه نیوزـ
راوێژکاری ئەنجومەنی ئاسایشی هەرێمی کوردستان رایگه‌یاند هەرێمی کوردستان پێشێلکردنی مافە دەستوریەکانی قبوڵ ناکات و هیوای خواست له‌مپه‌ڕه‌كانی لەمپەرەکانی بەردەم گفتوگۆی نێوان هەولێر و بەغدا لابدرێن.
ئه‌مڕۆ دووشه‌ممه 13ی تشرینی دووه‌می 2017، مەسرور بارزانی، راوێژکاری ئەنجومەنی ئاسایشی هەرێمی کوردستان پێشوازیی لە رامۆن کاساس، باڵیۆزی یەکێتی ئەوروپا لە بەغدا کرد و دواڕەوشی ناوچەکە و پەیوەندیەکانی هەولێر و بەغدا گفتوگۆی لە سەر کرا .
به‌پێی لاپه‌ڕه‌ی ئه‌نجومه‌نی ئاسایشی هه‌رێمی كوردستان له تۆڕی كۆمه‌ڵایه‌تیی فه‌یسبوك، باڵیۆزی یەکێتی ئەوروپا پشتیوانیی یەکێتی ئەوروپای بۆ هەرچی زووتر دەست پێکردنی دیالۆگێکی راستەوخۆ هەولێر و بەغدا لە سەر بنەمای دەستور دەربڕی و ئاواتی خواست هەرچی زووتر گرژیەکانی نێوان هەردوولا کۆتاییان پێ بهێنرێت.
لەدیداره‌كه‌دا سه‌باره‌ت به پەیوەندی بە پەرەسەندنە سەربازی و سیاسییەکانی نێوان هەولێر و بەغدا، راوێژکاری ئەنجومەنی ئاسایش تیشکی خستە سەر ئەوەی کە پێویستە کێشەکان بە شێوەیەکی ریشەیی و لە بنەڕەتدا چارەسەر بکرێن بۆ ئەوەی هەمیشە لە بازنەی ئەو نادادپەروەریە مێژووییانەی کە لە بەرامبەر گەلەکەماندا دەکرێت نەسوڕێینەوە.
مه‌سرور بارزانی ئامادەیی هەرێمی بۆ چارەسەریی کێشەکان بە شێوەیەکی ئاشتیانە دووپات کردەوە و لە هەمانکاتیشدا جەختی لەوە کردەوە کە هەرێمی کوردستان پێشێلکردنی مافە دەستووریەکانی قبوڵ ناکات.
راوێژکاری ئەنجومەنی ئاسایش هیواشی خواست کۆمەڵگای نێودەوڵەتی کاراتر بێنە سەر هێل بۆ ئەوەی لەمپەرەکانی بەردەم گفتوگۆی نێوان هەولێر و بەغدا لابدرێن و بەر لە گرژییی زیاتر لە دەڤەرەکەدا بگیرێت.
ر.ع
PM:04:41:13/11/2017
ئه‌م بابه‌ته 3572
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت