سه‌لاحه‌دین به‌هادین: ئێمە لە پشت بازرگانی کردنی (بتكۆین) و (وەنكۆین)ەوە نین
سه‌لاحه‌دین به‌هادین
وێستگه نیوز ـ
سه‌لاحه‌دین به‌هادین، ئه‌مینداری گشتی یه‌كگرتووی ئیسلامی كوردستان راگه‌یه‌ندراوێكی له‌سه‌ر بابه‌تی (بتكۆین) و (وەنكۆین) بڵاوكرده‌وه و رایگه‌یاند، دوور و نزیك یه‌كگرتوو په‌یوه‌ندی به‌م جۆره بازرگانییه‌وه نییه.
له روونكردنه‌وه‌كه‌ی سه‌لاحه‌دین به‌هادین، ئه‌مینداری گشتی یه‌كگرتوودا هاتووه: "ماوەیەكە گفتوگۆ لەسەر بابەتی (بتكۆین) و (وەنكۆین) دەكرێت، كە گوایە كاسپییەكە لەناو یەكگرتووەكاندا رەواجی پێ دەدرێت و یەكگرتووی لە پشتەوەیه".
ئه‌وه‌شی وتووه: "بەهیچ جۆرێك دوور و نزیك ئەم بازرگانییە وەهمی و ناڕوونە، پەیوەندی بە حزبەوە نییەو، ئێمەش لە زاری خەڵكەوە بیستوومانە كە كەسانێك تووش بوون و مومارەسەی دەكەن و، بازاڕی بۆ گەرم ئەكەن، ئەوە كارێكی شەخسییەو خۆیان وەك شەخس بەرپرسن لە ئەنجام و بەرهەمی كارەكەیان".
ده‌شڵێت: "ئێمە ئامۆژگاری دەكەین كە ئەندامانی یەكگرتوو خۆیان بەم كاسبییە وەهمییەوە خەریك نەكەن و، پارەی حەڵاڵی خۆیان با كەمیش بێ، لەو زۆرە خەیاڵییە باشترە".
بیتکۆین پارەیەکی ئەلیکترۆنییە، واتە نەئاسنە و نەکاغەز تا بێتە هەژمارە بانکییەکانەوە یان دەست بەدەست بگات بە خەڵک، بەڵام بە پارە دەکڕڕێت. هەورەها بانکی نییە تیایدا هەڵگبیرێت. ئەوەیە کە لە نێوان کڕیار و فرۆشیارەکانیدا دەستاودەست دەکات، تەنها کۆدە و، مامەڵەکەش بە مۆبایلی زیرەک دەکرێت و، دەبێ ئەپەکەی دابەزێنرێت.
ده‌قی روونكردنه‌وه‌كه:
روونكردنەوەیەكی پێویست
ماوەیەكە گفتوگۆ لەسەر بابەتی (بتكۆین) و (وەنكۆین) دەكرێت، كە گوایە كاسپییەكە لەناو یەكگرتووەكاندا رەواجی پێ دەدرێت و یەكگرتووی لە پشتەوەیه، بۆ بەرچاو روونی و ئاگاداری هەموو لایەك دەڵێین:
1- لایەنی فیقهی و یاساییەكەی بەجێ دەهێڵم بۆ زانایانی شارەزا، كە فتوای ئاشكرایان لەسەر داوەو، بە كارێكی ناروون و شوبهەو بێ رەسید و بێ زەمانەت ئەیناسێنن و، كەسی موسڵمانی پابەند بە رزقی حەڵاڵ خۆی بەدوور ئەگرێ لە شتی وا گوماناوی..
2- لەبارەی پەیوەندی بە یەكگرتووە راشكاوانە رایدەگەیەنین، بەهیچ جۆرێك دوور و نزیك ئەم بازرگانییە وەهمی و ناڕوونە، پەیوەندی بە حیزبەوە نییەو، ئێمەش لە زاری خەڵكەوە بیستوومانە كە كەسانێك توش بوون و مومارەسەی ئەكەن و، بازاڕی بۆ گەرم ئەكەن، ئەوە كارێكی شەخسییەو خۆیان وەك شەخس بەرپرسن لە ئەنجام و بەرهەمی كارەكەیان.. ئێمەش تەوسییە ئەكەین كە ئەندامانی یەكگرتوو خۆیان بەم كاسبییە وەهمییەوە خەریك نەكەن و، پارەی حەڵاڵی خۆیان با كەمیش بێ، لەو زۆرە خەیاڵییە باشترە..
3- هەر لەو بارەیەوە جەخت لەوە دەكەینەوە كە مەرجەعی شەرعی ئەم جۆرە بابەتانە تەنیا زانایانی شەرعییە، نەك ئەو كەسانەی كە خۆیان تووش بوون و، بە كەمێك شارەزایی و رۆشنبیریی ئاینییەوە دەیانەوێ ئەم كارە گوماناوییە بشەرعێنن و، قسەی ئەهلی عیلم و فتواو پسپۆڕی پشتگوی بخەن..
سەلاحەدین محەمەد بەهائەدین
ئەمینداری گشتی یەكگرتووی ئیسلامیی كوردستان
2/1/2018
AM:10:01:02/01/2018
ئه‌م بابه‌ته 5204
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت