دابهشكردنی خۆراكی مانگانه دهستپێدهكاتهوه
خۆراکی مانگانە هیوای هەژاران
وێستگه نیوز ـ
بەرپرسێكی وەزارەتی بازرگانی ئاشكرای كرد، لەم هەفتەیەدا بەشە برنجی بایەعی دهگاتە هەرێمی كوردستان و دهست به دابهشكردنی دهكرێت.
نەوزاد ئەدهەم، بەڕێوەبەری گشتیی بازرگانی لە وەزارەتی پیشەسازی و بازرگانی هەرێمی كوردستان بە میدیاكانی پارتی راگهیاند: "بڕیارە لەم هەفتەیە بەشەخۆراكێكی مانگانە بگاتە دهۆك، چونكه وەك لە وەزارەتی بازرگانی عیراق پێیمان راگەیاندراوە بڕیارە لەم هەفتەیە بەشە برنجی بایەعی بگاتە دهۆك و دواتریش لە رێگەی بریكارەكانی خۆراك دابەش بكرێت".
ئاماژەی بەوەشدا: لە دوای رووداوەكانی 16ی تشرینی یهكهمی 2017، هیچ بەشەخۆراكێكی مانگانە لە لایەن بەغداوە رەوانەی كوردستان نەكراوە.
نەوزاد ئەدهەم وتیشی: "بڕیارە لەمەودوا وەك جاران بەشە خۆراكی مانگانە كە پێكهاتووە لە رۆن و شەكر و برنج بۆ هەرێمی كوردستان رەوانە بكرێت".
بە بڕیاری986ی نەتەوە یەكگرتووەكان لە ساڵی 1997 وە لە رێگەی بریكارەكان خۆراك دابەشی سەر هاوڵاتیان دەكرێت، بەردەوامیش رەخنە لە كوالێتی و جۆری خۆراكەكان دەگیرێت.
هــ. ر
PM:10:15:12/11/2017
ئهم بابهته 12733
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت