له سلێمانی دەرهێنان و نوێکردنەوەی پاسپۆرت کرایەوە
فۆتۆ: ئەرشیڤ
وێستگه نیوز ـ
پاسپۆرتی سلێمانی هاوڵاتییان ئاگادار ده‌كاته‌وه كه له‌مڕۆ سێشه‌ممه 12ی ئه‌یلولی 2017ه‌وه كار به سیستمی نوێی پاسپۆرت ده‌كه‌ن و هاوڵاتییان ده‌توانن سه‌ردانیان بكه‌ن.
له راگه‌یه‌ندراوێكی به‌ڕێوه‌به‌رایه‌تی پاسپۆرتی پارێزگای سلێمانی كه وێنه‌یه‌كی بۆ وێستگه نیوز نێردراوه، تیایدا هاتووه: بەڕێوەبەرایەتی پاسپۆرتی پارێزگای سلێمانی ئاگاداری هاوڵاتیانی پارێزگای سلێمانی و دەروبەری دەکاتەوە له‌مڕۆوه 12ی ئه‌یلولی 2017، کاربەسیستەمی نوێی پێدانی پاسپۆرت دەکرێت لە پاسپۆرتی سلێمانی.
راشیگه‌یاندووه، هاوڵاتیان دەتوانن لەمڕۆوە سەردانی بەڕێوەبەرایەتی پاسپۆرتی سلێمانی بکەن، بەمەبەستی دەرهێنان و نوێکردنەوەی پاسپۆرتەکانیان.
AM:10:29:12/09/2017
ئه‌م بابه‌ته 3836
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت