لە گرنگترین تواناکانی مرۆڤ قسە کردن و لێک تێگەیشتن وەرگرتنی زانیاری لە رێگای چاوەکان، گوێ،پاشان تێگەیشتن و دواتر وەڵامدانەوە لەرێگای جیاواز وەک ھەڵسوکەوت و ھەستەکان و قسە کردن و دەربرین، مرۆڤ دروستکراوێکی خودای گەورەیەو ، یاسا زێرینەکەیش ئەوەیە کە بۆی ھەیە ھەر شتێک فێر بێت تەنھا بە کرداری (فێربوون) ، وە لە خۆیەوە ھیچ شتێک فێر نابێت بۆیە پێویستی بە فێر کردن و بەرنامە ھەیە تا ھەموو شتەکان دروست فێر بێت.

یەکێک لە دیاردە ناخۆش و گرنگەکان درەنگ ئاخاوتنە لە منداڵ لەبەر زۆر ھۆکاری جیاواز بەشێکیان دەگەرێتەوە بۆ کەمی ئاخاوتن لەگەڵ منداڵ یان خەریککردنی منداڵ بە میدیا و زمانی بیانی پێش ئەڵودە فێری قسە کردن بە زمانی دایک بێت .

ئەم ھەنگاوانە یارمەتی دەری باش دەبن بۆ چاره‌سه‌ری ئەم گرفته‌ :

1-گرنگە کەوا دڵنیا بین کە منداڵەکە بیستنی باشە و ھەموو شتێکی گوێ لێیە و بیستنی تەواوە و گوێی گران نیە .

2- دوور بێت لە ھەموو میدیایەک و ھەموو ھۆکارێکی تەکنەلۆژیا تا فێری قسە دەبێت وزمانی روون دەبێت و دوابخرێت تا سێ ساڵی تەمەن.

3- هه‌تا دەکرێت لە ماڵەوە بە یەک زمان  قسە بکرێت لەو خێزانانەی کە بە دوو زمانی جیاواز قسە دەکەن.

4-پێویستە قسە لەگەڵ منداڵ بکرێت لەسەر کارەکانی ماڵەوە وە ھەموو ئیشانەی بۆ باس بکەین کە دەیکەن لە ماڵەوە .

5-کاتێک لە مەتبەخ دەبین و شتەکانی بۆ دابنێین و (بەمەرجی سەلامەتی) و بۆ باس بکەین و بۆی ڕون بكه‌ینه‌وه‌ و پرسیاری لێ بکەین دووبارە و سێ بارەی بکەینەوە .

6- کاتێک دەبردرێت بۆ سەر شۆرین ھەموو شتەکانی بۆ باس بکەین و بە شێوازی جۆراو جۆر و بە جیاواز دووبارەی بکەینەوە و بە شێوازی یاری ناسک و سەرنجراکێش لە گەڵی دابنین.
7- میوەی جیاوازی بۆ دابنرێت  و قسەی بۆ بکە و رەنگ و ناوەکانی فێر بکە و لەگەڵت بڵێتەوە و دووبارەی بکاتەوە.

8- بەشەکانی و ئەندامەکانی لەشی بۆ باس بکەو و ناوەکانی پێ لەبەر بکە وەک یاری با چەند بارەی بکاتەوە تا تاواو فێری دەبێت .

9- رستەی دوو ووشەیی بکە و بۆت بڵێتەوە (بابت ھات،نان دەخۆم ،دایەم خۆشدەوێی و ھتد،،،،،

10- دروستکردنی ئەلبومی کەسەکانی ماڵ و خۆشەویستەکان و سەیرکردنیان و دەربرینی ناو و سۆزەکانی بەرامبەریان.

11- هەندێك یاری بۆ دابنێ با ناوەکانی فێر بێت و داوای لە کە یاریەکانت بۆ  بدۆزینەوە و بۆت بھێنتەوە یاری پێ بکات .

12-ھەر ھەنگاوێکی تری جوان و درووست کە وابکە باوک پەیڕەوی بکەن .

13-زۆر گرینگە دایک و باوک ھەماھەنگ بن و قسە لەگەڵ منداڵ بکەن وکاتی بۆ دابنێن و بە ئەرکی بزانن.

14-تێکەڵ کردنی زوو بە منداڵی ی ھاوتەمەن بۆ یاری کردن و قسە کردن و دەربڕینی هەستەکانیان.

15- ھەتا بکرێت زوو بنێردرێت بۆ داینگە و تێکەڵاوی منداڵ و ھاوتەمەنی خۆی تا لە هاوتەمەنەکانی فێری زمان بێت.