‌نه‌خۆشی شه‌كره‌ كار له‌ مێشك ده‌كات؟

وێستگە ستایل-

نه‌خۆشی شه‌كره‌ كاریگه‌ری ده‌بێت له‌سه‌ر ته‌واوی ئه‌ندامه‌كانی له‌ش، ئه‌نجامه‌كانی توێژینه‌وه‌یه‌كی نوێ كاریگه‌ری شه‌كره‌ی‌ جۆری دووه‌م له‌سه‌ر مێشك و مه‌ترسی توشبوون به‌ زه‌هایمه‌ر ڕونكردۆته‌وه‌.

له‌ توێژینه‌وه‌كه‌دا هاتووه‌ شه‌كره‌ی‌ جۆری دووه‌م كار له‌ كه‌مكردنه‌وه‌ی‌ توانای مێشك ده‌كات و هۆكاره‌ بۆ  زیادبوونی ئه‌گه‌ری توشبوون به‌ زه‌هایمه‌ر به‌ڵام هێشتا زاناكان بۆیان ڕون نه‌بۆته‌وه‌ شێوازی كاریگه‌ری شه‌كره‌ی جۆری دوو له‌سه‌ر مێشك چۆنه‌.

بۆ ئه‌م بابه‌ته‌ش چه‌ندین هۆكار هه‌یه‌:

- به‌رزبوونه‌وه‌ی‌ شه‌كری خوێن كار له‌ خانه‌ ده‌ماریه‌كان یان خانه‌ پاڵپشته‌كانی كۆئه‌ندامی ده‌مار ده‌كات.
-نه‌خۆشی شه‌كره‌ كار له‌ ملوله‌كانی خوێن ده‌كات و شی ده‌كاته‌وه‌.
- بڕی گه‌یشتنی ئۆكسجین به‌ مێشك كه‌مده‌كاته‌وه‌.
- ئه‌م نه‌خۆشییه‌ كاریگه‌ری ده‌بێت له‌سه‌ر كه‌مكردنه‌وه‌ی‌ توانای مێشك و هه‌ستپێكردن.

پزیشكه‌كان پێیان وایه‌ له‌ڕێی كۆنتڕۆڵكردنی شه‌كره‌ی‌ خوێنه‌وه‌ ده‌كرێت ته‌ندروستی مێشكی كه‌سی توشبوو بپارێزرێت.

ئه‌نجامه‌كانی چه‌ندین توێژینه‌وه‌ په‌یوه‌ندی ڕاسته‌وخۆی نێوان به‌رز بوونه‌وه‌ی‌ په‌ستانی خوێن و زیادبوونی كێشی جه‌سته‌ له‌ ناوه‌ڕاستی ته‌مه‌ندا به‌ستۆته‌وه‌ به‌ توشبوون به‌ نه‌خۆشی زه‌هایمه‌ر له‌گه‌ڵ چونه‌ ته‌مه‌ن.

له‌ڕێی ئه‌نجامدانی چالاكی و ئاگاداربوون له‌ ته‌ندروستی له‌ ته‌مه‌نی گه‌نجیدا هاوكارت ده‌بێت بۆ ئه‌وه‌ی‌ له‌ ته‌مه‌نی پیریدا ته‌ندروست بژیت.


AM:10:37:29/02/2020


ئه‌م بابه‌ته 5380 جار خوێنراوه‌ته‌وه‌‌