به‌گوێره‌ی‌ ئه‌و بابه‌ته‌ی‌ ئاژانسی"فرانس پرێس" بڵاویكردۆته‌وه‌ ئه‌و جیاوازیه‌ گه‌وره‌یه‌ خراوه‌ته‌ ڕوو كه‌ په‌یوه‌ندی هه‌یه‌ به‌ هۆكاره‌ سه‌ره‌كیه‌كانی نه‌خۆشی و مردنی پێشوه‌خته‌ له‌نێوان خانمان و پیاوان.

توێژینه‌وه‌كه‌ له‌سه‌ر ژماره‌یه‌ك هاوڵاتی ئه‌نجامدراوه‌ له‌ 7 ناوچه‌ی‌ جیاواز له‌نێوان ساڵانی 1990-2021 ی خایاندوه‌.

له‌توێژینه‌وه‌كه‌دا هاتووه‌" كۆڤید و نه‌خۆشییه‌كانی دڵ و ملوله‌كانی خوێ و نه‌خۆشی سییه‌كان و شه‌كره‌ و نه‌خۆشی درێژخایه‌نی جگه‌ر و ڕووداوی هاتوچۆ و خه‌مۆكی و زه‌هایمه‌ر باوترین ئه‌و نه‌خۆشیانه‌ بوون له‌ توێژینه‌وه‌كه‌دا له‌به‌رچاو گیراون، ئه‌نجامه‌كان سه‌لماندویه‌تی باوترین ئه‌و نه‌خۆشیانه‌ی‌ هۆكارن بۆ گیان له‌ده‌ستدانی پیاوان نه‌خۆشییه‌كانی دڵ و ملوله‌كانی خوێن و كۆئه‌ندامی هه‌ناسه‌ و جگه‌ر بووه‌، له‌به‌رامبه‌ردا خانمان زیاتر توشی نه‌خۆشی لاوازبوونی ماسولكه‌كانیان و ئێسكه‌ په‌یكه‌ری له‌ش و گرفتی ده‌رونی و لاوازبوونی كۆئه‌ندامی ده‌ماربوون.

پسپۆڕان جه‌خت له‌سه‌ر ئه‌وه‌ ده‌كه‌نه‌وه‌، خانمان له‌ماوه‌ی‌ ژیانیاندا زیاتر توشی نه‌خۆشی ده‌بن به‌رامبه‌ر به‌ پیاوان به‌ڵام زیاتر ده‌ژین و ته‌مه‌نیان درێژتره‌، جیاوازی دۆخی ته‌ندروستی خانمان و پیاوان له‌ ته‌مه‌نی هه‌رزه‌كاریه‌وه‌ ده‌رده‌كه‌وێت.