‎ئه‌م پزیشكه‌ ده‌ڵێت"سوورێژە نەخۆشیێكی ڤایرۆسی گوازراوەی خێرایە كە لە كەسێكەوە بۆ كەسێكیتر دەگوازرێتەوە زیاتر لە ڕێی كۆخە و پژمینەوە. نیشانە دیارەكانی بریتین لە تا، كۆكە، ئازاری قورگ، سوربوونی چاو و پەڵەی سوری سەر پێست. هەموو تەمەنێك تووشدەبن بەڵام زیاتر لە منداڵاندا بەربڵاوە."

‎نزیكەی ١٥% نەخۆشەكان تووشی ماكەكانی نەخۆشییەكە دەبن وەك هەوكردنی سییەكان و گوێ و مێشك. مردن بە خۆشی سوورێژە ١ لە ١٠٠٠ نەخۆشە لە وڵاتە پێشكەوتووەكان، كەچی لە وڵاتە پێشنەكەوتووەكان ڕێژەكە بۆ ١٥ لە ١٠٠ نەخۆش بەرزدەبێتەوە، زۆربەی زۆری تووشبووان و مردووان لەوانەن كە نەكوتراون بە كوتانی دژی سوورێژە یاخود كوتانی تەواویان وەرنەگرتووە. ئەوانەی نەكوتراون نزیكەی ٣٥ جار زیاتر ئەگەری تووشبوونیان بەخۆشیەكە هەیە وەك لەوانەی كوتانەكەیان وەرگرتوه‌.

‎بۆیە تاكە ڕێگا بۆ خۆ پاراستن لە تووشبوون بە نەخۆشییەكە "كوتانە". كوتانە ڕۆتینەكانی منداڵان زۆر گرنگە بە ڕێكی ئەنجام بدرێ و لە هەڵمەتەكانی كوتانیش بێبەش نەكرێن.

‎هەڵمەتەكە له‌ به‌رواری ٢٠٢٤/٤/١٦ لە هەموو كوردستان ده‌ستی پێكردوه‌ و  منداڵانی پۆلی ١ تا ٦ی سەرەتایی دەگرێتەوە هەتا ئەوانەی كۆتانەكانیشیان بە تەواوی وەرگرتووە چونكە ئەمەیان ژەمی بەهێزكەرە.