له‌ ته‌كساس به‌هۆی نزمبوونه‌وه‌ی‌ پله‌كانی گه‌رما ماوه‌ی‌ چه‌ند ڕۆژێكه‌ بۆته‌ گرفت بۆ هاوڵاتیانی ئه‌و ویلایه‌ته‌ و چه‌ند ویلایه‌تێكی دیكه‌ له‌ ئه‌مه‌ریكا و ملیۆنه‌ها هاوڵاتی بێ گه‌رمكه‌ره‌وه‌ بوون و كاره‌با بڕاوه‌ و پله‌كانی گه‌رماش وه‌ك جه‌مسه‌ری باكوری گۆی زه‌وی لێهاتووه‌.

رینی كینگ ی ته‌مه‌ن 26 ساڵ له‌ ویلایه‌تی ته‌كساس ده‌ژی له‌ هه‌ژماره‌كه‌ی‌ له‌ تیك تۆك گرته‌ ڤیدیۆیی حه‌وزی ماسی كچه‌كه‌ی‌ بڵاوكردۆته‌وه‌ كه‌ له‌ ژووری نوستنه‌كه‌یان دایان ناوه‌ به‌هۆی نزمبوونه‌وه‌ی‌ پله‌كانی گه‌رما ماسیه‌كه‌ و ئاوی ناو حه‌وزه‌كه‌ش به‌ستویه‌تی و ڤیدۆكه‌ 34.7 ملیۆن بینه‌ری هه‌بووه‌ و رینی ده‌ڵێت" ته‌ماشای حه‌وزی ماسییه‌كانی كچه‌كه‌م بكه‌ن به‌ستویه‌تی و ماسیه‌كه‌ی‌ مردار بۆته‌وه‌".

له‌به‌ر ئه‌م دۆخه‌ جۆ بایدن سه‌رۆكی ئه‌مه‌ریكا حاڵه‌تی نائاسایی له‌ ته‌كساس ڕاگه‌یاندوه‌ و ژماره‌یه‌كی زۆر هاوڵاتی ناوچه‌كه‌یان جێ هێشتوه‌ و ویستگه‌كانی ووزه‌ به‌هۆی ئه‌م دۆخه‌ سارده‌وه‌ له‌كار كه‌وتوون و ته‌نانه‌ت ئاوی به‌لوعه‌ی ماڵانیش به‌ستویه‌تی و له‌ ئێستادا هاوڵاتیان ناتوانن له‌ ماڵه‌كانیان بژین.