‌ڤیدیۆ: كچێكی 12 ساڵ ماوه‌ی‌ 8 ساڵه‌ گۆڕستان خاوێن ده‌كاته‌وه‌

وێستگە ستایل-

كچێك له‌ ته‌مه‌نی هه‌رزه‌كاریدایه‌ و ته‌مه‌نی ته‌نها 12 ساڵه‌، ئه‌م خانمه‌ بچوكه‌ له‌ ئوستورالیا ده‌ژ و ناوی"تیجی كلیمان" ه‌ و ماوه‌ی‌ 8 ساڵه‌ سه‌ر گۆڕه‌كان خاوێن ده‌كاته‌وه‌.

تیجی هۆكاری ئه‌م كاره‌ی‌ باسده‌كات و ده‌ڵێت" ته‌مه‌نم 4 ساڵ بوو ئه‌و كاته‌ی‌ ماڵه‌كه‌مان گواسته‌وه‌ بۆ ناوچه‌ی‌ توید هیدز له‌پشت ماڵمانه‌وه‌ گۆڕستان هه‌بوو ئه‌وه‌ ترسی زۆری له‌دڵی مندا دروستكرد و به‌رده‌وام بیرم له‌  هه‌بوونی بونه‌وه‌ری ترسناك ده‌كرده‌وه‌،بۆ ئه‌وه‌ی‌ ترسم بشكێت دایكم هێنامی بۆ گۆڕستان و داوای لێكردم كه‌ پێویسته‌ گۆڕه‌كان خاوێن بكه‌ینه‌وه‌ و بیرۆكه‌ی‌ ترسناك له‌ خه‌یاڵی خۆم ده‌ركه‌م"

تیجی له‌و كاته‌وه‌ و به‌هۆی ئه‌و بیرۆكه‌یه‌ی‌ دایكی به‌ ته‌واوه‌تی ترس له‌و بابه‌ته‌ له‌ مێشكیدا نه‌ماوه‌ و ماوه‌ی‌ 8 ساڵه‌ هه‌فتانه‌ سه‌ر گۆڕه‌كان خاوێن ده‌كاته‌وه‌ و بۆ ئه‌م كاره‌شی له‌ ئوستورالیا خه‌ڵاتی پێ به‌خشراوه‌ چونكه‌ وه‌ك كچێك خۆبه‌خشانه‌ كار بۆ كۆمه‌ڵگاكه‌ی‌ ده‌كات.

ئه‌م خانمه‌ بچوكه‌ داوا ده‌كات هه‌مووان هه‌فتانه‌ نیو كاتژمێر بۆ ئه‌م كاره‌ ته‌رخان بكه‌ن و هه‌مووان ده‌توانن ئه‌م كاره‌ بكه‌ن.




PM:04:20:17/02/2021


ئه‌م بابه‌ته 4084 جار خوێنراوه‌ته‌وه‌‌