‌توێژینه‌وه‌یه‌ك: ڕۆژگارێكی تاڵ بۆ مرۆڤایه‌تی به‌ڕێوه‌یه‌

وێستگە ستایل-


هه‌ساره‌ی‌ زه‌وی ڕوه‌و تیاچوونی به‌كۆمه‌ڵ و داڕمانی ته‌ندروستی و تێكچوونی كه‌ش و هه‌وا ده‌چێت و ئه‌مه‌ش هه‌ڕه‌شه‌ له‌سه‌ر مانه‌وه‌ی‌ مرۆڤایه‌تی ده‌كات، ئه‌مه‌ ئه‌و په‌یامه‌یه‌ كه‌ زاناكان ئاڕاسته‌ی‌ مرۆڤایه‌تیان كردوه‌ و باس له‌وه‌ ده‌كه‌ن كه‌ مرۆڤه‌كان ئاگاداری ئه‌و گرفته‌ گه‌وره‌یه‌ نین كه‌ به‌سه‌ر كه‌شوهه‌وا و گۆڕانی بایلۆجی له‌سه‌ر زه‌وی هاتووه‌.

حه‌ڤده‌ زانا كه‌ له‌ناویاندا پرۆفیسۆر" پۆل ئه‌رلیش" له‌ زانكۆی ستانفۆرد هه‌یه‌ و نوسه‌ری كتێبی" بۆمبی دانیشتوانه‌" باس له‌وه‌ ده‌كات دۆخی هه‌ساره‌ی‌ زه‌وی زۆر خراپتره‌ له‌وه‌ی‌ هه‌ندێك كه‌س و ته‌نانه‌ت زاناكیش تێی گه‌یشتوون.

كۆمه‌ڵێك زانا له‌ " مه‌كسیك و ئوستورالیا و ئه‌مه‌ریكا" ئاماژه‌یان بۆ ئه‌وه‌ كردوه‌ كه‌ قه‌باره‌ی‌ ئه‌و هه‌ڕه‌شه‌یه‌ی‌ له‌سه‌ر ته‌واوی ژیانی سه‌ر زه‌وی و مرۆڤایه‌تیه‌ زۆر ئاڵۆزه‌ بۆ زاناكانیش لێی تێبگه‌ن.

له‌ ڕاپۆرته‌كه‌دا هاتووه‌ كه‌ كۆچی به‌كۆمه‌ڵی هاوڵاتیان و بڵاوبوونه‌وه‌ی‌ په‌تا و شه‌ڕ له‌سه‌ر به‌رهه‌مه‌كان به‌دڵنیاییه‌وه‌ ڕووده‌دات ئه‌گه‌ر ئێستا ڕێو شوێنی گونجاو نه‌گیرێته‌به‌ر.


PM:03:54:13/01/2021


ئه‌م بابه‌ته 7272 جار خوێنراوه‌ته‌وه‌‌