‌ڤیدیۆ: دوای ماوه‌یه‌ك ونبوون.. تۆم و جیری ده‌گه‌ڕێنه‌وه‌ سینه‌ما

وێستگە ستایل-

عاشقانی مشكه‌ زیره‌كه‌كه‌" جیری" و پشیله‌ شه‌ڕانیه‌كه‌" تۆم" چاوه‌ڕێی  ئه‌و فیلمی سینه‌مایی "تۆم و جیری" ده‌كه‌ن ئه‌مه‌ش دوای ماوه‌یه‌كی زۆر له‌ ونبوونیان له‌ چاوی ئاره‌زوو مه‌ندانیان.

كۆمپانیای" وارنر برازه‌ر" تایبه‌ت به‌ به‌رهه‌مهێنانی فیلمی سینه‌مایی ئاشكرایان كردوه‌ كه‌ فیلمی "تۆم  جیری" له‌ 5 ی 3 ی ساڵی داهاتوو له‌ سینه‌ماكان نمایش ده‌كرێت، كۆتا فیلم كه‌ له‌سه‌ر تۆم و جیری به‌رهه‌مهێندراوه‌ له‌ ساڵی 1993 دا بووه‌.

ئه‌م فیلمه‌ نوێیه‌ تیایدا ئه‌كته‌ری ئه‌مه‌ریكی گه‌نج" كلۆی گرایس" و ئه‌ستێره‌ی‌ كۆمیدی" ڕۆی دیلانی" به‌شداریان كردوه‌ و ڕووداوه‌كانی فیلمه‌كه‌ له‌سه‌ر فه‌رمانبه‌رێكه‌ كه‌ له‌ ئوتێلێكی گه‌وره‌ كار ده‌كات و پشیله‌یه‌كی زیره‌كی ده‌وێت بۆ ئه‌وه‌ی‌ له‌ مشكێك ڕزگاریان بكات له‌ ئاهه‌نگی هاوسه‌رگیری خێزانێكی سه‌رمایه‌دار.

شایه‌نی باسه‌ زنجیره‌ی‌ وێنه‌ی‌ جوڵاوی " تۆم و جیری" 161 ئه‌ڵقه‌یه‌ و له‌ ساڵی 1941 هه‌تا 1967 پێشكه‌شكراوه‌ و براوه‌ی‌ چه‌ندین خه‌ڵاتی ئۆسكاره‌.



PM:09:06:18/11/2020


ئه‌م بابه‌ته 2884 جار خوێنراوه‌ته‌وه‌‌

ستایل