‌هۆكار و نیشانه‌كانی چه‌وری سه‌ر جگه‌ر و چۆنیه‌تی چاره‌سه‌ر

وێستگە ستایل-


جگەری هەمووکەسێک كه‌مێك چەورە، کاتێک بەیەکێک دەگوترێت جگەری چەوری هەیە، مەبەست ئەوەیە کە جگەری ئەو کەسە چەوری زیاترە لە کەسانی دیکە و لە سۆنار کاڵتر دەردەکەوێت، زیاتر لە سەدا بیستی خەڵک ئەو حاڵەتەی هەیە، دكتۆر سه‌عید پزیشکی پسپۆڕی نەخۆشیەکانی هەناوی و دڵ له‌م بابه‌ته‌دا هۆكار و نیشانه‌ و چۆنیه‌تی چاره‌سه‌ری ئه‌م نه‌خۆشییه‌ی‌ جگه‌ر ڕوون ده‌كاته‌وه‌.

 هۆکاری چەوری جگەر:

-هۆکاری ڕاستەوخۆی نییە.

-پەیوەندی هەیە بە خواردن و خواردنەوە لەلایەک و جوڵە لەلایەکی دیکە.

-لەو کەسانە زیاترە کە قەڵەون، لەگەڵ ئەوانەی شەکرەیان هەیە و کۆلیسترۆڵیان بەرزە.

-خواردنەوە کحولیەکانیش یەکێکە لە هۆکارەکان.

 نیشانە:

-چەوری جگەر نیشانەی نییە و بێدەنگە.

 زیانەکانی چەوری جگەر چییە؟

1- لە بەشێکی کەمی ئەوانەی چەوری جگەریان هەیە، تووشی هەوکردنی جگەر دەبن.

2- بە تێپەڕبوونی چەندەها ساڵ لەوانەیە کار بکاتە سەر ئیشی جگەر، تەنانەت بە ئەگەرێکی کەمەوە تووشی زەردوویی دەبن لە داهاتوودا.

3- ئەگەری تووشبوون بە شەکرە زیاد دەکات.

4- ئەگەر یەکێک شەکرەی هەبێت، بوونی چەوری جگەر کۆنتڕۆڵی شەکرەکە قورستر دەکات.

پشکنین:
 چەوری جگەر لە سۆنار دەردەکەوێت، نەک لە تاقیگە.

چارەسەر:
1-  هاوسەنگی ڕاگرتن لە نێوان خواردن و خواردنەوە لەلایەک و جوڵە لەلایەک.

2- ئەو کەسەی شەکرەی هەبێت، دەبێت شەکرەکەی کۆنتڕۆڵ بکات.

3- وا چاکە خواردنەوەی بیبسی و کۆلا و خواردنی شیرینی کەمبێت.

4- خۆی بە دوور بگرێت لە ماددەی ئەلکحول.

5- خواردنەکان سووک بن، بگەڕێنەوە بۆ خواردنەکانی سەردەمی کۆن.

6- دەرمان هەیە دەکرێت بەکاربێت، بەڵام بەشێوەیەکی گشتی دەرمان کاریگەری سنوردارە بۆ چەوری جگەر.



PM:05:20:30/09/2020


ئه‌م بابه‌ته 4524 جار خوێنراوه‌ته‌وه‌‌