‌هه‌ڵوه‌رینی قژ و هۆرمۆنه‌كانی له‌ش په‌یوه‌ندیان هه‌یه‌ به‌ یه‌كه‌وه‌؟

وێستگە ستایل-

به‌شێك له‌ خانمان هه‌ڵوه‌رینی قژیان شۆكێكی بێزاركه‌ره‌ بۆیان به‌ڵام له‌ ڕاستیدا هه‌ندێك له‌م حاڵه‌تانه‌ كاتییه‌ و هۆكاره‌كه‌ی‌ تێكچوونی ڕێژه‌ی‌ هۆرمۆنه‌كانی ناو له‌شه‌ و ده‌كرێت ئاسایی ببێته‌وه‌.

هۆرمۆنی ئیسترۆجین و دووگیانی:

نزیكه‌ی‌ %40-50 ی خانمان له‌ ماوه‌ی‌ دووگیانیدا به‌هۆی به‌رز بوونه‌وه‌ی‌ ئاستی هۆرمۆنی ئیسترۆجین له‌ له‌شیاندا دوچاری هه‌ڵوه‌رینی تاڵه‌ موه‌كانی سه‌ریان ده‌بن، و زیاتر ئه‌م حاڵه‌ته‌ له‌ پێنج مانگی سه‌ره‌تایی دووگیانیدا ده‌رده‌كه‌وێت و له‌ به‌رامبه‌ردا هه‌ندێك له‌ خانمان له‌ سه‌ره‌تای ماوه‌ی‌ دووگیانیدا موه‌كانی سه‌ریان زیاتر ده‌بێت و به‌هێز ده‌بێت .

هه‌ڵوه‌رینی قژ له‌ خانماندا هه‌تا دوای منداڵبون به‌رده‌وام ده‌بێت تا ئه‌و كاته‌ی‌ ئاستی هۆرمۆنی ئیسترۆجین ده‌گه‌ڕێته‌وه‌ دۆخی ئاسایی و سروشتی خۆی .

له‌بارچوونی منداڵ و دیاریكردنی ڕه‌گه‌زی كۆرپه‌ دوو حاڵه‌تی دیكه‌ن كه‌ به‌هۆیه‌وه‌ خانمان توشی هه‌ڵوه‌رینی قژیان ده‌بن.

هۆرمۆنی ئه‌ندرۆجین و ته‌مه‌نی پیری:

دوای وه‌ستانی سوڕی مانگانه‌ هه‌ریه‌ك له‌ هۆرمۆنه‌كانی ئیسترۆجین و پرۆجیسترۆن ئاستیان له‌ له‌شدا كه‌مده‌بێته‌وه‌ له‌به‌ر ئه‌وه‌ سێ به‌شی خانمان له‌ دوای وه‌ستانی سوڕی مانگانه‌ په‌ڵه‌ی‌ كه‌چه‌ڵی له‌سه‌ریاندا دروست ده‌بێت.

هۆرمۆنه‌كانی په‌ریزاد:
كه‌م و زیاد بوونی ده‌ردانی هۆرمۆنی ڕژێنه‌كانی په‌ریزاد كار ده‌كاته‌ سه‌ر هه‌ڵوه‌رینی قژ و ئه‌مه‌ش به‌سه‌ر خانمان و پیاواندا جێ به‌جێ ده‌بێت،به‌ڵام كاتییه‌ و چه‌ند مانگێك دوای وه‌رگرتنی چاره‌سه‌ر نه‌خۆش دوباره‌ قژی گه‌شه‌ ده‌كاته‌وه‌.


PM:12:37:14/01/2020


ئه‌م بابه‌ته 3676 جار خوێنراوه‌ته‌وه‌‌