‌ئه‌م جۆرانه‌ی‌ نامه‌ بۆ هاوسه‌ره‌كه‌ت مه‌نێره‌

وێستگە ستایل-

ناردنی نامه‌ و په‌یامه‌ جیاوازه‌كان هه‌ندێكجار كێشه‌ له‌نێوان هاوسه‌ره‌كان دروست ده‌كات به‌گوێره‌ی‌ ئه‌و وشانه‌ی‌ له‌ناو په‌یامه‌كه‌دا هه‌یه‌، بۆ ئه‌وه‌ی‌ گرفت له‌نێوان تۆ و هاوسه‌ره‌كه‌ت دروست نه‌بێت باشتر وایه‌ له‌ ناردنی ئه‌م جۆره‌ نامانه‌ دوور بكه‌ویته‌وه‌.

1- نامەی گومان :
"تۆ لە كوێیت و لەگەڵ كێیت ؟ چی دەكەیت ؟" و چەند دەربڕینێكی دیكە جگە لەمانە ، بەهیچ شێوەیەك بۆ هاوسەرەكەتی مەنێرە و ئەمانەی پێ مەڵێ لەجیاتی ئەمە دەتوانیت دەربڕینەكە بكەیت بە " من بیرت دەكەم كاتەكانت چۆن بەسەر دەبەیت ؟" 


2- نامەی توڕەی:  ئەو كاتەی لەگەڵ هاوسەرەكەت توڕەی یان جۆرێك لە یەك تێنەگەیشتن ڕودەدات بەهیچ شێوەیەك  دەست مەكە بە ناردنی نامەی پڕ قسە و بۆڵە بۆڵ بۆی هەوڵبدە دەرونی خۆت بگریت و بەسەر توڕەیەكەتدا زاڵ بیت.

3- جۆرێك نامە كە ببێتە هۆی تێڕامانی ئەو:
ئەمە یەكێكە لەو جۆرانەی كە پیاوان توڕە دەكات و خراپترینە چونكە بەرگەی شاراوەی وشەكان ناگرێت ، بۆ نمونە كاتێك دەڵێیت " بە پەلە پەیوەندیم پێوە بكە "رەنگە شتێكی ئاسایی بێت لای تۆ بەڵام ئەو خراپ بیر بكاتەوە و بیخەیتە دۆخێكی ناخۆشەوە .

4- نامەی داواكاری :
پێش ئەوەی هاوسەركەت بچێتە دەرەوە ئەو شتانەی پێ بڵێ كە پێویستە و بە كورتە نامە بۆی مەنێرە ئەمە هۆكارە بۆ بێزاربوون و توڕە كردنی .

5- نامەی پڕ گلەی:
ئەمە هاوشێوەی ئەو نامانەی ڕق و توڕەیت بۆ نوسیوە هاوسەرەكەت بێزار دەكات ، ئەگەر گلەیت لە شتێك هەیە ئەوە دەتوانیت چاوەڕێ بكەیت هەتا دەگەڕێتەوە دواتر ئەوەی لە دڵتدایە پێی بڵێیت .


PM:12:20:29/08/2019


ئه‌م بابه‌ته 11060 جار خوێنراوه‌ته‌وه‌‌