زاناكان له‌ڕێی توێژینه‌وه‌یه‌كی نوێوه‌ ئاشكرایان كردوه‌ هه‌ستی بۆنكردن به‌شێوه‌یه‌كی كاتی له‌ ده‌ست ده‌درێت كاتێك مرۆڤ مێشكی سه‌رقاڵ بێت به‌ بابه‌تێكه‌وه‌ یان ئه‌و كاتانه‌ی‌ بیری ئاڵۆز و په‌رشوبڵاو بێت.

دكتۆره‌ سۆفیا فۆرسته‌ر له‌ زانكۆی ساسیكس ده‌ڵێت" له‌ڕێی ئه‌م توێژینه‌وه‌یه‌وه‌ بۆمان ئاشكرا بووه‌ ئه‌و كه‌سانه‌ی‌ هه‌ستی بۆنكردنیان كه‌مه‌ ئه‌وه‌ زۆرینه‌ی‌ كات سه‌رقاڵن و ئه‌مه‌ش یه‌كه‌مینجاره‌ توێژینه‌وه‌یه‌ك له‌سه‌ر كه‌مبوونه‌وه‌ی‌ هه‌ستی بۆنكردن بیسه‌لمێنێت كه‌ په‌یوه‌ندی به‌  سه‌رقاڵیه‌وه‌ هه‌یه‌"

بۆ ئه‌م توێژینه‌وه‌یه‌ كۆمه‌ڵێك كه‌س به‌ژداریان كردوه‌ و تیایدا ده‌ركه‌وتووه‌ ئه‌و كه‌سانه‌ی‌ سه‌رقاڵن ئه‌وه‌ توانای تێبینكردنیان به‌ڕێژه‌ی‌ %42.5 كه‌متر بووه‌ له‌چاو ئه‌و كه‌سانه‌ی‌ كه‌ سه‌رقاڵ نه‌بوون، و %65 ی ئه‌و كه‌سانه‌ی‌ به‌ژداری توێژینه‌وه‌كه‌یان كردوه‌ هه‌ستیان به‌ بۆنی قاوه‌ نه‌كردوه‌ به‌هۆی ڕاهاتنی به‌رده‌وامیان له‌سه‌ر بۆنی قاوه‌، له‌به‌ر ئه‌وه‌ ئه‌و بۆنانه‌ی‌ مرۆڤ له‌سه‌ری ڕادێت هه‌ندێكجار ناسینه‌وه‌ی‌ ئاسان نییه‌.