‌به‌وێنه‌... سوهێر بابلی له‌ به‌شی چاودێری چڕی نه‌خۆشخانه‌یه‌

وێستگە ستایل-

ده‌رهێنه‌ر و ڕاگه‌یاندنگاری میسری "عمر زهران" ئاشكرای كرد كه‌ خانمه‌ هونه‌رمه‌ندی ناوداری میسری "سوهێر بابلی" له‌ نه‌خۆشخانه‌یه‌ و له‌ به‌شی چاودێری چڕه‌ و سه‌ردانكردنی به‌ هه‌موو شێوه‌یه‌ك له‌ لایه‌ن پزیشكه‌كانه‌وه‌ قه‌ده‌غه‌ كراوه‌.

به‌هۆی خراپبوونی باری ته‌ندروستی له‌ مانگی ڕه‌مه‌زاندا خانمه‌ هونه‌رمه‌ندی ناودار "سوهێر بابلی" براوه‌ته‌ نه‌خۆشخانه‌ و له‌ به‌شی چاودێری چڕه‌.

له‌نێوان به‌كارهێنه‌رانی تۆڕه‌ كۆمه‌ڵایه‌تیه‌كان چه‌ند وێنه‌یه‌كی ده‌رهێنه‌ر "عمر زهران "  خانمه‌ هونه‌رمه‌ند سوهێر بابلی له‌ ژورێكی نه‌خۆشخانه‌ بڵاوكرایه‌وه‌ و زهران ده‌ڵێت" له‌گه‌ڵ ئه‌وه‌ی‌ بابلی له‌ ژورێكی نه‌خۆشخانه‌ی و سه‌ردانكردنی قه‌ده‌غه‌كراوه‌ به‌ڵام دۆخی ته‌ندروستی زۆر به‌ره‌و باشبوون چووه‌ و له‌ناخی دڵمه‌وه‌ هیوای چاكبوونه‌وه‌ بۆ ئه‌م خانمه‌ شیرینه‌ ده‌خوازم"



AM:11:41:20/05/2019


ئه‌م بابه‌ته 964 جار خوێنراوه‌ته‌وه‌‌