منداڵێك له‌ پاكستان له‌ حاڵه‌تێكی ده‌گمه‌ندا توشی "هه‌وكردنی ده‌ماغی" كه‌ پێی ده‌وترێت"فتقی ده‌ماغی " بووه‌، و به‌هۆیه‌وه‌ هه‌ڵئاوسان له‌سه‌ر لوتی دروست بووه‌.

پێگه‌ی‌ ده‌یلی مه‌یل ی به‌ریتانی له‌ هه‌واڵێكدا له‌سه‌ر دیما مانگریۆ ی به‌ڕه‌گه‌ز پاكستانی و ته‌مه‌ن 8 ساڵ تیایدا هاتووه‌ "ئه‌م منداڵه‌ هه‌ڵئاوساویه‌ك له‌سه‌ر لوتی دروست بووه‌ و به‌ تێپه‌ڕبوونی كات ئاوساویه‌كه‌ له‌سه‌ر لوتی گه‌وره‌تر بووه‌ و پزیشكه‌كان ئاشكرایان كردووه‌ كه‌ ناته‌واویه‌كی زگماكی له‌ كاسه‌ی‌ سه‌ر و مێشكیدا دروست بووه‌ و به‌شێك له‌ دڕكه‌په‌تكی چۆته‌ ده‌ره‌وه‌ی‌ كاسه‌ی‌ سه‌ری و ئه‌مه‌ش هه‌ڵئاوساویه‌كه‌ی‌ له‌سه‌ر لوتی دروست كردووه‌"

له‌سه‌ر ئه‌م حاڵه‌ته‌ سه‌رۆك به‌شی نه‌خۆشیه‌ ده‌ماریه‌كان دكتۆر "ره‌زا هارون" ده‌ڵێت" ئه‌م منداڵه‌ شیره‌خۆره‌یه‌ پێویستی به‌ چاره‌سه‌ر هه‌یه‌ به‌ نه‌شته‌رگه‌ری به‌ڵام به‌هۆی بچووكی ته‌مه‌نیه‌وه‌ له‌ ئێستادا ناتوانن نه‌شته‌رگه‌ری بۆبكه‌ن"

دایك و باوكی دیما ده‌ڵێت" هه‌رچی پاره‌مان هه‌بوو له‌ منداڵه‌كه‌ماندا خه‌رجمان كرد ته‌نانه‌ت به‌و بڕه‌ پاره‌یه‌شه‌وه‌ كه‌ بڕیار بوو بۆ ئاهه‌نگی هاوسه‌رگیری برا گه‌وره‌كه‌ی‌ خه‌رجی بكه‌ین چونكه‌ منداڵه‌كه‌مان به‌هۆی ئه‌م وه‌ره‌مه‌وه‌ توانای بینینی نییه‌"