- کام کۆرپانە مەترسی تووشبوون بە SIDS لەسەرە؟

1- ئەو کۆرپانەی تەمەنیان لە نێوان 1 بۆ 4 مانگیدایە.

2- ئەوانەی لە کەشوهەوای سارددا لەدایک دەبن.

- ئەم هۆکارانە مەترسی تووشبوون بە SIDS زیاد دەکات: 

1- منداڵانی لەدایک بووی پێشوەختە و ئەوانەی کێش کەمیان هەیە.

2- ئەو خێزانانەی لە نێو منداڵەکانیاندا نەخۆشی SIDS هەیە.

3- ئەو دایکانەی تەمەنیان لە 20 ساڵ کەمترە منداڵیان دەبێت.

4- دایکانی جگەرە کێش یان مادەی هۆشبەر.

5- ئەو دایکانەی چاودێریەکی باشیان نەبووە لەکاتی دوو گیانیدا.

6- ئەو کۆرپانەی جێگەیان زۆر گەرمە یان نەرمە.

- هەندێک لە توێژەران پێیان وایە خەوتنی گەدە لەوانەیە ڕێڕەوی هەناسە بگرێت، ئەو کۆرپانەی کە بەهۆی نەخۆشی SIDS دەمرن لەوانەیە کێشەیان هەبێت لەو بەشەی مێشکدا کە یارمەتی کۆنترۆڵکردنی هەناسەدان و بەئاگابوونەوە دەدات لە کاتی خەودا، بەزۆری مێشک دەبێتە هۆی ئەوەی منداڵەکە لە خەو هەڵسێت و بگری بۆ ئەوەی ئۆکسجینی زیاتر وەربگرێت، ئەگەر مێشک ئەم سیگناڵە نەنێرێت، ئەوا ئاستی ئۆکسجین دادەبەزێت و ئاستی دووەم ئۆکسیدی کاربۆن بەرز دەبێتەوە.

- بەم هەنگاوانە مەترسییەکانی SIDS کەمبکەرەوە کە پەیوەندییان بە خەوەوە هەیە:

1- کۆرپەکەت لەسەر دۆشەکێکی پتەو و تەخت دابنێ بۆ ئەوەی بە ئارامی بخەوێت.

2- شارەزایان پێشنیاری ئەوە دەکەن کە کۆرپە لە ژووری دایک و باوکیاندا بخەون لانیکەم بۆ ماوەی 6 مانگ، بەڵام لەسەر ڕوویەکی جیاوازی تایبەت بە منداڵ لە تەنیشت جێگاکە.

3- لە کاتی خەوتندا ئەگەر مەمکەکە وشکە لە دەمیا لاچێت، پێویست ناکات بیخەیتەوە دەمی.

4- ئەگەر شیری خۆتی پێدەدەیت، چاوەڕێ بکە تا شیرپێدانەکە تەواو دەبێت.

5- چاودێری نیشانەکانی گەرمبوون زۆر بکە، وەک ئارەقکردنەوە یان هەستکردن بە گەرمی لەکاتی دەست لێدان.

6- ڕێگە مەدە منداڵەکەت لەسەر شوێنێک بخەوێت کە بە تایبەت بۆ نوستن دروست نەکراوە، وەک کورسی ئۆتۆمبێل، یان جێگەی دانیشتنی کۆرپە.

7- بەتانی قورس، یان پەڕۆ لەسەر کۆرپەکەت یان دەوروبەری بەکارمەهێنە.

8- توێژینەوەکان دەریانخستووە کە ئەو کۆرپانەی کە ڤاکسینەکانیان وەردەگرن مەترسی تووشبوونیان بە SIDS کەمترە.