ڕێگایەکی نوێ بۆ ڕوبەڕوبونەوەی ئێسکە نەرمە
وێستگە ستایل-
ئەنجامی توێژینەوەیەکی نوێ ڕێگایەکی جیاوازی بۆ ڕوبەڕوبونەوەی نەخۆشی ئێسکە نەرمە خستۆتە ڕوو.
ئەم توێژینەوەیە کە لە گۆڤاری " Signal Transduction and Targeted Therapy" بڵاوکراوەتەوە تیایدا ئاماژە بۆ ئەوە کراوە بۆهێڵی GPR133 پەیوەندی هەیە بە دروستبوون و تێکشکاندنی شانەکانی ئێسک و هەر گۆڕانکاریەک بەسەر ئەم بۆهێڵەدا بێت کاریگەری لەسەر ئێسکەکە دروست دەکات.
لەتوێژینەوەکەدا هاتووە کەمبوونەوەی چالاکی ئەم بۆهێڵە هۆکارە بۆ لاوازبونی ئێسکەکە و زیادکردنی پێکهاتەی AP503 وەک هاندەرێک بۆ ئەم بۆهێڵە هۆکارە بۆ بەهێزبونی ئێسکەکە.
پسپۆڕان باس لەوە دەکەن پێکهاتەی بێتا کاتینین یارمەتی بەهێزبونی ئێسکەکە دەدات لەبەرامبەردا ماندوێتی زۆر کاریگەری نەرێنی و پێچەوانەی دەبێت.
ئەم توێژینەوەیە هاوکار دەبێت بۆ دۆزینەوەی چارەسەر و ڕێگریکردن لە تەشەنەسەندنی نەخۆشییەک کەملیۆنەها مرۆڤ لەجیهاندا بە دەستییەوە دەناڵێن.
AM:10:46:15/09/2025
ئه‌م بابه‌ته 84
جار خوێنراوه‌ته‌وه