زەیتی سروشتی لاڤێندەر چارەسەری دڵەڕاوکێ دەکات
وێستگە ستایل-
نوێترین توێژینەوە ئاشکرایکردووە کە زەیتی لاڤێندەر دەکرێت وەک تەواوکەرێکی خۆراکی بەکاربهێندرێت و کاریگەری هەبێت لە ڕەواندنەوەی دڵەڕاوکێ بە بێ ئەوەی بەکارهێنەر دووچاری ئالوودەبوون یاخود کاریگەری لاوەکی بکات بە پێچەوانەی دەرمانە دەروونییەکانەوە.
توێژەرە پۆڵەندییەکان ئاماژە بە سوودەکانی بەکارهێنانی کەپسولی زەیتی لاڤێندەر دەکەن لە کەمکردنەوەی نیشانەکانی دڵەڕاوکێ و باشکردنی میزاجی کەسی بەکارهێنەر، بە گوێرەی ڕۆژنامەی دەیلی مەیلی بەریتانی پسپۆڕان لەو باوەڕەدان کە ئەم کەپسولە بتوانێت کاریگەرییەکی هاوتای دەرمانەکانی بێنزۆدایازیپینەکان و SSRI بێت.
پسپۆڕێکی دەروونی بە ناوی دکتۆر هانس بیتەر دەڵیت پێویستە پزیشکانی دەروونی ڕێگەکانی وتووێژ و گیادەرمانەکان بەکاربهێنن بەر لە نووسینی چارەسەرە دەروونییەکان بۆ ئەو کەسانەی حاڵەتی دڵەڕاوکێیان هەیە، بەو پێیەی دەرمانە دەروونییەکان دەکرێت ببنە هۆی ئالوودەبوون و کاریگەری لاوەکی بەجێدەهێڵن.
دەرەنجامی ئەم توێژینەوەیە سوودێکی زۆر بە کەسانی تووشبووی دڵەڕاوکێ دەگەیەنێت، ئەم زەیتە دەبێتە هیوایەک بۆ چاکبوونەوەی ئەو کەسانە و بەدووریان دەکات لە وەرگرتنی چارەسەرە دەروونییەکان.
PM:05:00:31/08/2025
ئه‌م بابه‌ته 116
جار خوێنراوه‌ته‌وه