کەمبوونەوەی مەخزونی هێلکەدان چییە ؟
وێستگە ستایل-
مەخزونی هێلکەدان بریتییە لە ژمارەی هێلکەکانی ناو هێلکەدانەکانی ئافرەت، ئەم مەخزونە بە شێوەیەکی سروشتی لەگەڵ تەمەندا کەم دەبێتەوە، کەمبوونەوەی مەخزونی هێلکەدان بریتیە لە کەمبوونەوەی ژمارەی هێلکە کە لە هێلکەدانەکاندا بەردەستە لەگەڵ هەڵکشانی تەمەن لە خانماندا یان بەهۆی هۆکاری دیکەوە، دکتۆرە کەژان کاوە پسپۆڕی نەخۆشییەکانی ژنان و منداڵبوون لەم باسەدا هۆکارەکانی ئەم حاڵەتە و چۆنیەتی دەستنیشانکردنی ڕووندەکاتەوە.
- هۆکارەکانی کەمبوونەوەی مەخزونی هێلکەدان بریتین لە :
1- هەڵکشانی تەمەن: ئەمەش هۆکاری سەرەکییە بۆ کەمبوونەوەی مەخزونی هێلکەدان.
2- چارەسەرە پزیشکییەکان: چارەسەری کیمیایی و تیشک بۆ شێرپەنجە.
3- نەشتەرگەری هێلکەدان: هەر نەشتەرگەرییەکی پێشووی هێلکەدان.
4- نەخۆشیەکانی بەرگری خۆکار: کاتێک لەش دژەتەن دژی شانەکانی هێلکەدان بەرهەم دەهێنێت.
5- جگەرەکێشان.
6- تێکچوونەکانی تر: قەڵەوی، زیادبوونی پرۆلاکتینی خوێن، نیشانەکانی فرە کیسی هێلکەدان، و ئەندۆمیتریۆس.
- چۆن دەستنیشان دەکرێت ؟
1- پشکنینی هۆرمۆنی AMH نیشاندەرێکی سەرەکییە بۆ مەخزونی هێلکەدان ، چونکە ئاستەکەی کەم دەبێتەوە لەگەڵ کەمبوونەوەی مەخزونەکە.
2- سۆنەر.
PM:04:34:31/08/2025
ئه‌م بابه‌ته 116
جار خوێنراوه‌ته‌وه