شێوازەکانی دەرزیلێدان لە چاو کامانەن ؟
وێستگە ستایل-
کۆمەڵێک نەخۆشی چاو هەن کە چارەسەریان بە لێدانی دەرزی دەبێت لە چاو، ئەم چارەسەرە زیاتر بۆ ئەو نەخۆشانەیە کە کێشە لە تۆڕەی چاویان دا هەیە، دکتۆر حەسەن خۆشناو پسپۆڕی نەشتەرگەری و نەخۆشییەکانی چاو لەم باسەدا شێوازی دەرزیلێدان لە چاو بۆ چارەخوازان ڕووندەکاتەوە.
- بە چوار شێوە دەرزی لە چاو دەدرێت کە بریتین لە :
1- ڕاستەوخۆ لە تۆپی چاو دەدرێت و دەرمانەکە دەخرێتە ناو شلەی شوشەیی ناو چاو.
2- لەژێر چینی یەکەمی چاو دەدرێت.
3- لەژێر چینی دووەمی چاو دەدرێت.
4- لە چاڵی چاو دەدرێت لەژێر چاوەوە.
- ئەو نەخۆشیانەی کە زۆرتر دەرزی چاویان پێویست دەبێت ئەمانەن:
1- هەبوونی ئەستووربوونی تۆڕەی چاو یان هەبوونی خوێنبەربوون و دەماری خوێنی ناسک و نوێ لە چاودا کە بەزۆری بەهۆی نەخۆشی شەکرە دروست دەبێت، هەروەها پەستانی خوێنیش یەکێک لە هۆکارەکانە.
2- پوکانەوەی تۆڕەی چاو لە ناوچەی زەردەپەل لە تۆڕی چاو بەهۆی تەمەنەوە (جۆری تەڕ).
3- گیرانی خوێنهێنەری سەرەکی تۆڕەی چاو یان لقێکی.
4- هەندێک جۆری هەوکردنی چاو کە بە ئیلتهاب قەزەحیە ناسراوە.
5- هەوکردنی بەهۆی میکرۆبەوە کە وەکو ماکی نەشتەرگەری یان دوای بەرکەوتنی زەبری دەرەکی دروستدەبێت .
ئەو دەرزیانەی بەکاردێن بریتین لە :
1- دەرزی دژەگەشەی لوولە خوێن وەکو ئاڤاستین و ئایلیا و لوسێنتس.
2- دەرزی ستیرۆیدی.
3- دەرزی دژە میکرۆب وەکو دژەبەکتریاو دژەڤایرۆس و دژەکەڕوو.
PM:03:53:31/08/2025
ئه‌م بابه‌ته 160
جار خوێنراوه‌ته‌وه