پسپۆڕێک: شیری پڕ چەوری دەبێتە هۆی شێرپەنجەی جگەر
وێستگە ستایل-
پزیشکێکی پسپۆڕی خۆراک و هەرس و جگەر بە ناوی دکتۆرە نوریا دیانۆڤا ئاشکرایکردووە کە خواردنەوەی شیری پڕ چەوری 3 جار لە هەفتەیەکدا ئەگەری دووچاربوون بە شێرپەنجەی جگەر زیاد دەکات.
ئەو خانمە پسپۆڕە دەڵێت" بەکارهێنانی بەرهەمە شیرنەمەنییە چەورییەکان بە تایبەت شیری پڕ چەوری 3 جار لە هەفتەیەکدا ئەگەری تووشبوون بە شێرپەنجەی جگەر زیاد دەکات بە تایبەت لەو کەسانەی کە تەمەنیان سەروو 50 ساڵە، بەڵام جێگەی ئاماژەیە بەرهەمە شیرە پەستێوراوەکان ناچنە ئەم پۆلێنکردنەوە بەو پێیەی خاڵین لە چەورییە تێرەکان و زیانیان نییە".
دکتۆرە نوریا لە درێژەی وتەکانیدا ئاماژە بەوە دەدات کە کە شیر بڕێکی یەکجار زۆر لە چەوری تێدایە و باشتر وایە جێگەی بگیرێتەوە بە شیرە کەم چەورییەکان و بەرهەمە ڕووەکییەکان یاخود خواردنەوەی سنوورداربکرێت، هەر شیرێک کە ڕێژەی %3.2 و زیاتر چەوری تێدا بوو بە شیرێکی پڕ چەوری دادەنرێت، هەروەها کەمتر لەو ڕێژەیە شیری کەم چەورییە و زیانی زۆر کەمترە.
ئەو کەسانەی پێویستیان بە خواردنەوەی شیرە دەتوانن سوود لەو شیرانە وەربگرن کە ڕێژەی %2.5 چەوری تێدایە، یاخود جێگرەوەکانی وەک شیری بادەم بەکاربهێنن بەتایبەت بۆ ئەو کەسانەی کە دەستنیشانکراون بە چەوری سەر جگەر.
PM:03:00:31/08/2025
ئه‌م بابه‌ته 168
جار خوێنراوه‌ته‌وه