ئەم نیشانانە ئاشکرایدەکەن کە پێویستە پشکنینی هۆرمۆنی ئەنجامبدەیت
وێستگە ستایل-
پشکنینی هۆرمۆن ئاستی هۆرمۆنە تایبەتەکان لە خوێندا دەپێوێت، ئەم پشکنینانە بەزۆری کاتێک ئەنجام دەدرێن کە گومانی ناهاوسەنگی هۆرمۆنەکان هەبێت، بەو پێیەی کە دەتوانێت کاریگەری لەسەر زۆرێک لە سیستەمەکانی جەستە بەجێبهێڵێت، لەم باسەدا چەند نیشانەیەکی گرنگی هەریەکە لە پیاوان و خانمان دەخەینەڕوو کە ئاماژەن بۆ پێویستی پشکنینی هۆرمۆنی.
- نیشانەکانی تێکچوونی هۆرمۆنات لە ئافرەتاندا بریتین لە :
1- سوڕی مانگانەی ناڕێک.
2- زیادبوونی مووی لەش بە تایبەت لەسەر دەم و چاو، سنگ، یان پشت.
3- زیپکە.
4- زیادبوونی کێش یان زەحمەتی دابەزاندنی کێش.
5- تەنکبوونەوەی قژ یان هەڵوەرینی قژ.
6- نەزۆکی یان سەختی دووگیانبوون.
7- گەرما، ئارەقەکردنەوەی شەوانە، یان نیشانەکانی تری وەستانی سوڕی مانگانە (تەنانەت ئەگەر تەمەنت لە خوار ٤٠ ساڵەوە بێت).
8- گۆڕانی باری دەروونی، دڵەڕاوکێ، یان خەمۆکی .
9- کەمی ئارەزووی سێکسی.
- نیشانەکانی تێکچوونی هۆرمۆنات لە پیاواندا بریتین لە :
1- کەمبوونەوەی ئارەزووی سێکسی یان تێکچوونی کارکردنی کۆئەندامی زاوزێ.
2- ماندوێتی یان کەمی وزە.
3- خەمۆکی یان گۆڕانی باری دەروونی.
4- لەدەستدانی ماسولکەکان یان کێشەی بەدەستهێنانی ماسولکە.
5- گەشەکردنی شانەکانی مەمک و گەورەبوونی.
6- نەزۆکی.
7- هەڵوەرینی قژ.
PM:03:14:27/08/2025
ئه‌م بابه‌ته 2060
جار خوێنراوه‌ته‌وه