توێژینەوەیەک: پیادەڕەوی باشترین ڕاهێنانە بۆ تەمەن درێژی
وێستگە ستایل-
ئەگەر تۆ یەکێکیت لەو کەسانەی کە بەردەوام کارت هەیە و ناتوانیت بڕۆیت بۆ هۆڵەکانی ڕاهێنانکردنی وەرزشی و لەشڕێکی، خەمبار مەبە، لەبەرئەوەی ئەگەر ڕۆژانە تەنها بۆ ماوەی 15 خوولەک پیادەڕەوی و ڕۆیشتنی خێرا ئەنجامبدەیت ئەوا پارێزگاری لە تەندروستی خۆت دەکەیت.
بە شێوەیەکی گشتی هەمیشە خەڵک ئامۆژگاری دەکرێن بۆ ئەنجامدانی ڕاهێنانە وەرزشییەکان بە جۆرێک هەفتانە ماوەی 150 خوولەک بخایەنێت تاوەکو تەندروست ببن و بەدووربن لە نەخۆشی، بەڵام پابەندبوون بەم ماوەیە دەکرێت قورس بێت بۆ هەندێک کەس، هەربۆیە ئەنجامدانی پیادەڕەوی 15 خوولەکی ڕۆژانە دەکرێت هەمان کاریگەری تەندروستی بەجێبهێڵێت.
بە گوێرەی نوێترین توێژینەوەی زانستی کە بڵاوکراوەتەوە لە گۆڤاری"American Journal of Preventive Medicine" توانراوە زانیاری لە 85 هەزار کەس بۆ ماوەی 16 ساڵ کۆبکرێتەوە سەبارەت بە پەیوەندی لە نێوان تێکڕای ڕاهێنانە وەرزشییەکان، خێرای پیادەڕەوی، کاتی خایەندراوی ڕاهێنانەکان و تەندروستی بەشداربووەکان.
دەرەنجامی توێژینەوەکە ئاشکرایکردووە کە ئەو کەسانەی ڕۆژانە بۆ ماوەی 15 خوولەک ڕۆیشتنی خێرایان ئەنجامداوە بە ڕێژەی %20 لە مەترسی مردنی پێشوەختە دوورکەوتوونەتەوە بە بەروارد بەو کەسانەی کە تەنها بە شێوەیەکی خاو ڕۆیشتوون ڕۆژانە بۆ ماوەی 3 کاتژمێر، ڕێژەی کەمبوونەوەی مردنی پێشوەختەیان تەنها %4 بووە، بەو پێیەش بێت ئەم دەرەنجامە دەریدەخات کە نهێنی تەمەن درێژی هەنگاوێکی سادە و ئاسانە.
PM:01:37:27/08/2025
ئه‌م بابه‌ته 772
جار خوێنراوه‌ته‌وه