ئایا بە فایبەربوونی جگەر دەکرێت چارەسەر بکرێت؟
وێستگە ستایل-
بەڵێ دەتوانرێت چارەسەری ڕیشاڵبوونی جگەر بکرێت، بەتایبەتی لە قۆناغە سەرەتاییەکاندا. ئامانجی سەرەکی بریتییە لە وەستاندنی یان خاوکردنەوەی پێشکەوتنەکە و لە زۆر حاڵەتدا، کەمکردنەوەی هۆکارەکانی مەترسی- بەتایبەتی ئەگەر هۆکارەکە زوو چارەسەر بکرێت، دکتۆر ھاوار پزیشکی پسپۆڕی نەخۆشیەکانی مەمک و غودە و کۆئەندامی هەرس له‌م بابه‌ته‌دا ورده‌كاری زیاتری خستۆته ڕوو.
ڕیشاڵبوونی جگەر قۆناغی سەرەتایی (سووک بۆ مامناوەند) زۆرجار چارەسەر بکرێت ئەگەر هۆکاری بنەڕەتی لاببرێت یان چارەسەر بکرێت و ڕیشاڵبوونی جگەر پێشکەوتوو یان بەمۆم بوونی جگەر چارەسەری قورسترە و چارەسەر بەندە بە هۆکارەکەی:
1-ئەگەر ڕیشاڵبوونی جگەر بەهۆی هەوکردنی جگەری جۆری B یان C بێت، دەرمانی دژە ڤایرۆس دەتوانێت هەوکردنەکە کۆنتڕۆڵ بکات یان چارەسەری بکات.
2-ئەگەر بەهۆی بەکارهێنانی کحولەوە بێت، وەستاندنی کحول بە تەواوی زۆر گرنگە.
3-لە نەخۆشی چەوری جگەری ناکحولی ، دابەزاندنی کێش، خۆراکی تەندروست، وەرزشی بەردەوام و کۆنترۆڵکردنی نەخۆشی شەکرە یان کۆلیسترۆڵ دەتوانێت تەندروستی جگەر بە شێوەیەکی بەرچاو باشتر بکات.
4-بۆ هەوکردنی جگەری بەرگری خۆکار، دەرمانی بەرگری وەک ستیرۆید بەکاردەهێنرێت.
5-ئەگەر دەرمان یان ژەهر هۆکارەکە بن، دەستبەجێ وەستاندنی زۆر گرنگە.
AM:10:51:21/06/2025
ئه‌م بابه‌ته 484
جار خوێنراوه‌ته‌وه