ئەنغام و هاوڕێ هونەرمەندەکانی ئاهەنگ دەگێڕن
وێستگە ستایل-
خانمە هونەرمەندی میسڕی ئیلهام شاهین زنجیرەیەک لە وێنەی لە پەڕەی فەرمی خۆی لە تۆڕی کۆمەڵایەتی ئینستاگرام بڵاوکردۆتەوە کە لەسەر کەناری دەریایەک لەگەڵ هەریەکە لە خانمە هونەرمەندان لەیلا عەلەوی، ئەنغام و ئیناس دەغیدی دەردەکەوێت.
کۆبوونەوەی ئەم کۆمەڵە خانمە هونەرمەندە و چرکاندنی ئەم وێنانە بە بۆنەی چاکبوونەوەی خانمە گۆرانیبێژی میسڕی ئەنغامەوەیە، هەروەها ئەنغام دڵخۆش و تەندروست دەردەکەوێت لە نێو هاوڕێکانیدا پاش ئەوەی کاتێکی پڕ لە ئازار و نەخۆشی بەڕێکرد.
ئیلهام شاهین لەسەر ئەم وێنانە نوسیوێتی:" ئێمە هەموو تۆمان خۆشدەوێت ئەنغام، تۆ بەنرخترینی نێو هەموو بەنرخەکانیت، هاوڕێ جوانەکەم نزا دەکەم کە خودای گەورە هەمیشە بتپارێزێت لە هەموو بەڵا و ناخۆشییەک و هەمیشە لە لوتکەی سەرکەوتن و تەندروستی باشدا بتبینم".
لە پاش تێپەڕینی چەند ماوەیەکی سەخت و پڕ لە ئازار بۆ ئەنغام، یەکەمین گەڕانەوەی ئەو خانمە گۆرانیبێژە بۆ سەر ستەیج و ئەنجامدانی یەکەمین کۆنسێرتی لە پاش ئەو دابڕانە بە فەرمی ڕاگەیەندرا و بەروارەکەی لە 23 ی مانگی ئەیلوول دانراوە لە شاری لەندەن.
PM:12:19:07/09/2025
ئه‌م بابه‌ته 724
جار خوێنراوه‌ته‌وه