دكتۆره‌ یۆلیا ساڤیلیڤا پسپۆڕی خۆراك و كردنه‌ ده‌ره‌وه‌ی‌ ژه‌هره‌ له‌ جه‌سته‌ له‌ دیمانه‌یه‌كی تایبه‌تی بۆ Gazeta.Ru وتویه‌تی" زۆر پێویسته‌ ناو به‌ناو هه‌ركه‌سێك ئاستی ڤیتامین D جه‌سته‌ی‌ خۆی بزانێت به‌تایبه‌ت ئه‌گه‌ر به‌رده‌وام هه‌ستی به‌ چه‌ند نیشانه‌یه‌ك كرد له‌وانه‌ش" لاواز بوونی ئێسك و ماسولكه‌ و كه‌مبوونه‌وه‌ی‌ ئاستی هۆشیاری تاك و به‌رده‌وام توشبوون به‌ هه‌وكردنی كۆئه‌ندامی هه‌ناسه‌  و له‌ده‌ستدانی ئاره‌زووی خواردن و ستیرێس"

ئه‌م پسپۆڕه‌ ده‌ڵێت" ده‌كرێت سوود له‌ خۆراك وه‌ربگیرێت بۆ قه‌ره‌بوو كردنه‌وه‌ی‌ ئه‌م ڤیتامینه‌ له‌ له‌شدا، له‌ڕێی خواردنی ماسی و جگه‌ر و زه‌ردێنه‌ی‌ هێلكه‌ و به‌رهه‌مه‌كانی شیر"

زۆرترین ئه‌و كه‌سانه‌ی‌ گرفتی كه‌می ئه‌م ڤیتامینه‌یان هه‌یه‌ له‌ له‌شیاندا ئه‌و كه‌سانه‌ن زۆر كه‌م ده‌چنه‌ ناو هه‌وای كراوه‌ و ئافره‌تانی دووگیان و ئه‌وانه‌ی‌ شیر به‌ كۆرپه‌ ده‌ده‌ن، ئه‌وانه‌ش كه‌ ڕوه‌ك خۆرن و كێشی له‌شیان زۆره‌.