سه‌ركرده‌یه‌كی‌ كۆمه‌ڵ داوای‌ پێكهێنانی‌ به‌ره‌یه‌كی‌ هاوبه‌ش بۆ هه‌ڵبژاردنه‌كان ده‌كات

‌ مه‌روان گه‌ڵاڵی‌، سه‌رۆكی‌ فراكسیۆنی‌ كۆمه‌ڵی‌ ئیسلامی‌ له‌ په‌رله‌مانی‌ كوردستان

وێستگه‌ نیوز- پشتیوان جه‌مال
سه‌ركرده‌یه‌كی‌ كۆمه‌ڵی‌ ئیسلامی‌ كوردستان داوای پێكهێنانی‌ به‌ره‌یه‌كی‌ هاوبه‌ش له‌ حزبه‌كه‌ی‌ و گۆڕان و هاوپه‌یمانی‌ و یه‌كگرتووی‌ ئیسلامی‌ ده‌كات بۆ به‌شداریكردن له‌ هه‌ڵبژاردنی‌ په‌رله‌مانی‌ كوردستان.

مه‌روان گه‌ڵاڵی‌، سه‌رۆكی‌ فراكسیۆنی‌ كۆمه‌ڵی‌ ئیسلامی‌ له‌ په‌رله‌مانی‌ كوردستان به‌ وێستگه‌ نیوزی‌ راگه‌یاند، ئه‌گه‌ر ئه‌مساڵ هه‌ڵبژاردنی‌ په‌رله‌مان بكرێت پێی‌ باشه‌ حزبه‌كه‌ی‌ و بزووتنه‌وه‌ی‌ گۆڕان و هاوپه‌یمانی‌ به‌ره‌كی‌ به‌هێز دروست بكه‌ن بۆ ئه‌وه‌ی‌ بتوانن زۆرینه‌ی‌ كورسییه‌كانی‌ په‌رله‌مان ده‌سته‌به‌ر بكه‌ن و حكومه‌تی‌ هه‌رێم دروست بكه‌ن.

گه‌ڵاڵی‌ وتی‌: "باوه‌رم وایه‌ تا ئه‌و حكومه‌ته‌ نه‌گۆڕدرێت و له‌ به‌ردی‌ بناغه‌یه‌وه‌ گۆڕانكاری‌ دروست نه‌كرێت، چاكسازیكردن له‌ هه‌رێمی‌ كوردستان مه‌حاڵه‌".

ناوبراو وتیشی‌: "رام وایه‌ به‌ره‌كه‌ فراوانتر بكرێت و قسه‌ له‌گه‌ڵ یه‌كگرتووی‌ ئیسلامیش بكرێت و بهێندرێته‌ نێو به‌ره‌كه‌وه‌ و باوه‌ڕم وایه‌ گۆمه‌كه‌ ده‌شڵه‌قێندرێت و زۆرینه‌ی‌ ره‌های‌ كورسییه‌كانی‌ په‌رله‌مانی‌ كوردستان ده‌سته‌به‌ر ده‌كه‌ین و ئه‌و كاته‌ش بیانوو بۆ ده‌ستاوده‌ستكردنی‌ ده‌سه‌ڵات نامێنێت".

هــ. ر


PM:01:40:09/01/2018


ئه‌م بابه‌ته 732 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو