ئهمڕۆ كاریگهری شهپۆلێكی بهفر و بارانبارین لهسهر ههرێمی كوردستان دهردهكهوێت
هاوڵاتییان لە چاوەڕوانی بارانباریندان
وێستگه نیوز ـ
بەڕێوەبەرایەتیی گشتی کەشناسی و بومەلەرزەزانی هەرێم رایگەیاند، لە رۆژی دووشەممەوە شەپۆلێکی بەفر و باران روو لە ناوچەکانی هەرێم دەکات.
لە راگەیەندراوێکدا کە پێشتر کەشناسی هەرێم بڵاویکردەوە دەڵێت: "لە 1ی کانونی دووەمی ساڵی 2018وە کەشێکی ناسەقامگیر روو لە هەرێم دەکات و پێشبینی دەکرێت شەپۆلێکی بارانبارین هەرێم بگرێتەوە".
ئاماژەی بەوەش کردووە، رۆژی سێشەممە کاریگەری نزمە پاڵەپەستۆی دەریای ناوەڕاست بەردەوام دەبێت و لەگەڵ بارینی بەفر لە ناوچە شاخاوییەکان.
ئەوەشی وتووە: "رێژەی بارینی بەفر لە ناوچە شاخاوییەکانی سنوری دهۆک زیاتر دەبێت وەک لە پارێزگاکانی دیکە و کەشەکەش تا رۆژی چوارشەممە بەردەوام دەبێت".
هــ. ر
AM:10:10:01/01/2018
ئهم بابهته 5688
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت